Diario da Universidade de Vigo
Dourado botín no Nacional Universitario de Loitas Olímpicas
Os tres representantes da Universidade de Vigo lograron o ouro nas súas respectivas categorías
Pallares, Puentes e Masciopinto coas medallas que os acreditan como campións de España
José Luis Puentes, tras rematar un dos seus enfrontamentos
Miguel Masciopinto, de maillot azul, alzouse co triunfo en 66 kg
Diego Pallares, de vermello, conseguiu o ouro en 96 kg
Tres ouros, un por cada un dos loitadores da Universidade de Vigo que participaron no I Campionato de España Universitario celebrado en San Javier, Murcia. Ese foi o botín recollido por Miguel Masciopinto, estudante de Enxeñaría de Telecomunicación, na categoría de 66 kg, e os estudantes de Ciencias da Actividade Física e do Deporte, José Luis Puentes, en 84 kg, e Diego Pallares, en 96 kg. Entre os tres puxeron de manifesto o gran nivel da loita galega na primeira cita universitaria da loita libre olímpica.
Ata 18 universidades participaron nesta proba, que aínda ten modalidade amateur, e que estaba inscrita dentro das actividades que rodearon ao Campionato de España sénior, no que os tres alumnos vigueses tamén loitaron co combinado galego que rematou no primeiro posto da clasificación por equipos.
Masciopinto, Puentes e Pallares “foron os únicos representantes das universidades galegas”, recorda Nicolás Castro, director técnico da área de tecnificación da Federación Galega de Loita. “En Vigo hai moi bos deportistas, moitos na Universidade, foi unha pena non poder ir con máis”, salientaba Castro para quen “os resultados están aí, demostraron o seu gran nivel”. O certo é que nesta primeira edición a cita universitaria aínda non era oficial, pero dende a federación nacional están a traballar para que o próximo ano sexa puntuable para participar no Campionato do Mundo Universitario.
Como recoñecía Miguel Masciopinto, “íamos preparados para o sénior absoluto. Levamos moitos anos adestrando, e en Galicia hai moi bo nivel, así que no tivemos demasiados problemas nesta categoría”. De feito, o loitador do club Kuzushi de Vigo impúxose con superioridade nos catro enfrontamentos de 66 kg. Pola súa banda, José Luis Puentes, do Vilalba, competiu en 84 kg e alzouse co triunfo final tamén sumando os seus combates por vitorias, como tamén lle sucedeu a Diego Pallares, do Keltoi, que case non atopou oposición nos seus rivais en 96 kg. Os seus bos resultados permitiron ademais situar á Universidade de Vigo no máis alto da clasificación por clubes, con 30 puntos, por diante dos anfitrións, a Universidade de Murcia, que participaba con cinco loitadores e rematou segunda con 27 puntos.
Ata 18 universidades participaron nesta proba, que aínda ten modalidade amateur, e que estaba inscrita dentro das actividades que rodearon ao Campionato de España sénior, no que os tres alumnos vigueses tamén loitaron co combinado galego que rematou no primeiro posto da clasificación por equipos.
Masciopinto, Puentes e Pallares “foron os únicos representantes das universidades galegas”, recorda Nicolás Castro, director técnico da área de tecnificación da Federación Galega de Loita. “En Vigo hai moi bos deportistas, moitos na Universidade, foi unha pena non poder ir con máis”, salientaba Castro para quen “os resultados están aí, demostraron o seu gran nivel”. O certo é que nesta primeira edición a cita universitaria aínda non era oficial, pero dende a federación nacional están a traballar para que o próximo ano sexa puntuable para participar no Campionato do Mundo Universitario.
Como recoñecía Miguel Masciopinto, “íamos preparados para o sénior absoluto. Levamos moitos anos adestrando, e en Galicia hai moi bo nivel, así que no tivemos demasiados problemas nesta categoría”. De feito, o loitador do club Kuzushi de Vigo impúxose con superioridade nos catro enfrontamentos de 66 kg. Pola súa banda, José Luis Puentes, do Vilalba, competiu en 84 kg e alzouse co triunfo final tamén sumando os seus combates por vitorias, como tamén lle sucedeu a Diego Pallares, do Keltoi, que case non atopou oposición nos seus rivais en 96 kg. Os seus bos resultados permitiron ademais situar á Universidade de Vigo no máis alto da clasificación por clubes, con 30 puntos, por diante dos anfitrións, a Universidade de Murcia, que participaba con cinco loitadores e rematou segunda con 27 puntos.