Dúas vitorias e unha derrota para os equipos de xadrez do campus

Os equipos que representan ao campus de Ourense na liga galega de xadrez disputaron esta fin de semana os encontros correspondentes á sétima xornada, acadando dúas vitorias e unha derrota. En primeira división, o Universitario de Ourense A gañou na casa a Xadrez Valdeorras por 3,5-0,5, con vitorias de Diego Vidal, Marcos Reza e Miguel Reza e táboas de Adrián González. En segunda división, o Universitario de Ourense B perdeu pola mínima contra Xadrez Ateneo de Ourense por 1,5-2,5, con vitoria de David Feijoo, táboas de Raúl Martínez e derrotas de Jaime González-Viso e Gabriel Alcalde. Por último, na terceira división, o equipo do campus gañou 0-4 no Pereiro de Aguiar contra Benchoshey Lasker, con vitorias de Rodrigo Arias, Alberto Martínez, Nuel Vázquez e Sergio de Soto.