Do 18 ao 20 de xuño no Club Financiero de Vigo
Economistas de prestixio analizarán en Vigo os principais retos da economía galega
Antón Costas, Santiago Lago, Albino Prada, Teresa Pedrosa e Marcelino Otero, entre os participantes
Analizar o retos fundamentais que ten ante si a economía galega e facer propostas para mellorar a situación actual, con estes obxectivos celebrarase o vindeiro mes en Vigo o curso La economía gallega: oportunidades y propuestas, organizado dende o Departamento de Economía Aplicada en colaboración coa Universidad Internacional Menéndez Pelayo, UIMP. “Trátase de contar de xeito divulgativo as cousas que máis nos ocupan na investigación”, subliña o catedrático Santiago Lago, director do departamento e coordinador do curso, que fai fincapé en que esta actividade “vai moito máis alá da visión académica, xa que contaremos tamén co punto de vista dos empresarios, dos políticos e tamén dos xornalistas”, engade.
A cita terá lugar do 18 ao 20 de xuño nas instalacións do Club Financiero de Vigo, “en pleno centro da cidade”, subliña o director do curso, que fai fincapé en que se elixiron estas datas pensando sobre todo no alumnado, que a esas alturas rematou xa tanto as clases como os exames. “O curso é para eles unha oportunidade única, xa que en moi pouco tempo van ter acceso a temas de plena actualidade da man de expertos de primeira liña", destaca Santiago Lago, “axustes, sistema financeiro, sector naval... son temas que día a día aparecen nos xornais e no que calquera persoa pode estar interesado”, engade.
Os retos das administracións públicas galegas, o sector agrogandeiro, a eurorrexión, o mar e o seu futuro económico, a innovación na empresa galega, o turismo e a posta en valor da paisaxe e do medio ambiente son algúns dos temas que se van abarcar no curso. Albino Prada, Manuel Varela, Juan Suris, Mª Xosé Vázquez, Henrique Vázquez Vicente e o propio Santiago Lago son algúns dos profesores que van participar dende a Universidade de Vigo, aos que se engadirán outros das outras universidades galegas e do norte de Portugal.
“É un programa moi diverso e plural concibido desde un punto de vista moi divulgativo”, destaca o director do curso, que fai fincapé na enorme actividade que levan a cabo os máis de 40 profesores que forman parte do Departamento de Economía Aplicada. Pero como tamén é importante a visión dos empresarios, apunta Lago, o curso completarase coa visión dos empresarios. Entre outros, participarán Marcelino Otero, do Círculo de Empresarios de Galicia, e a delegada da Zona Franca de Vigo, Teresa Pedrosa, así como a conselleira de Facenda, Elena Muñoz, “exalumna da facultade que será a encargada de clausurar o encontro”, subliña Lago.
A cita terá lugar do 18 ao 20 de xuño nas instalacións do Club Financiero de Vigo, “en pleno centro da cidade”, subliña o director do curso, que fai fincapé en que se elixiron estas datas pensando sobre todo no alumnado, que a esas alturas rematou xa tanto as clases como os exames. “O curso é para eles unha oportunidade única, xa que en moi pouco tempo van ter acceso a temas de plena actualidade da man de expertos de primeira liña", destaca Santiago Lago, “axustes, sistema financeiro, sector naval... son temas que día a día aparecen nos xornais e no que calquera persoa pode estar interesado”, engade.
Agro, naval, turismo, innovación...
Como “prato forte” do programa, o director do curso destaca a participación do catedrático de Economía Aplicada da Universidade de Barcelona, vigués de nacemento, Antón Costas “un analista privilexiado da economía española” que dará a súa visión da economía galega en perspectiva española e europea. O seu será o primeiro relatorio dun programa que inaugurará, ademais de Santiago Lago, o vicerreitor de Economía da Universidade de Vigo, Xosé Manuel García Vázquez e o director da UIMP en Galicia, Xosé Luis Barreiro Rivas.Os retos das administracións públicas galegas, o sector agrogandeiro, a eurorrexión, o mar e o seu futuro económico, a innovación na empresa galega, o turismo e a posta en valor da paisaxe e do medio ambiente son algúns dos temas que se van abarcar no curso. Albino Prada, Manuel Varela, Juan Suris, Mª Xosé Vázquez, Henrique Vázquez Vicente e o propio Santiago Lago son algúns dos profesores que van participar dende a Universidade de Vigo, aos que se engadirán outros das outras universidades galegas e do norte de Portugal.
“É un programa moi diverso e plural concibido desde un punto de vista moi divulgativo”, destaca o director do curso, que fai fincapé na enorme actividade que levan a cabo os máis de 40 profesores que forman parte do Departamento de Economía Aplicada. Pero como tamén é importante a visión dos empresarios, apunta Lago, o curso completarase coa visión dos empresarios. Entre outros, participarán Marcelino Otero, do Círculo de Empresarios de Galicia, e a delegada da Zona Franca de Vigo, Teresa Pedrosa, así como a conselleira de Facenda, Elena Muñoz, “exalumna da facultade que será a encargada de clausurar o encontro”, subliña Lago.