Diario da Universidade de Vigo
Sorte dispar para os equipos de rugby
O Ednon TRC perde fronte ao Durango cun xogo pobre e pouco atinado
Excelente debut para o Equipo B cun 78-0 fronte ao Ferrol
O encontro de onte no terreo de xogo do campus de Vigo saldouse cunha derrota do Universidade Ednon TRC fronte ao Durango, verdugo dos vigueses a pasada tempada. O partido correspondente á terceira xornada de Liga pechouse cun 5-16. Desta vez a sorte non acompañou aos mozos de Babini e o rival, facendo o mínimo e xogando intelixentemente, levouse a vitoria.
Os vascos marcharon ao descanso cun cómodo 0-6 grazas a dous golpes de castigo. Parecía que na segunda metade o marcador ía dar a volta cando un ensaio de Paco colocaba un esperanzador 5-6. Pero a alegría durou pouco, nun golpe de castigo centrado a favor do Ednon TRC pérdese o balón e a partir de entón xa nada se puido facer. Novos ataques nos que sempre se elixía a peor das opcións e, nunha ocasión, cando o público se poñía de pé para celebrar un novo ensaio, de novo marchaba o balón á zona de marca do Durango, que se volvía a poñer no campo dos vigueses cun novo golpe de castigo ao seu favor e un ensaio transformado. Ao final 5-16 e o Universidade cun xogador menos, pasando a ocupar a quinta posición na clasificación da División de Honra B.
O adestrador Aníbal Babini sinalaba que “o Durango foi un equipo forte e xogou con moita presión”. A clave da derrota estivo en que “non soubemos aproveitar as oportunidades que tivemos e cometemos máis erros que o Durango, que non desperdiciou ningunha ocasión converténdoa en puntos”, explicaba Babini.
Ao mal xogo e á falta de sorte hai que engadirlle a labor pouco acertada da colexiada madrileña Díaz. Dende o equipo pídeselle á Federación que revise o nivel de arbitraxe nesta categoría, que Ramón Pérez, responsable de prensa do Universidade Ednon TRC, caracteriza de “penoso”.
Despois dun par de semanas de descanso, a volta ó xogo será o 15 de novembro, de novo na casa, fronte o Gernika.
Os vascos marcharon ao descanso cun cómodo 0-6 grazas a dous golpes de castigo. Parecía que na segunda metade o marcador ía dar a volta cando un ensaio de Paco colocaba un esperanzador 5-6. Pero a alegría durou pouco, nun golpe de castigo centrado a favor do Ednon TRC pérdese o balón e a partir de entón xa nada se puido facer. Novos ataques nos que sempre se elixía a peor das opcións e, nunha ocasión, cando o público se poñía de pé para celebrar un novo ensaio, de novo marchaba o balón á zona de marca do Durango, que se volvía a poñer no campo dos vigueses cun novo golpe de castigo ao seu favor e un ensaio transformado. Ao final 5-16 e o Universidade cun xogador menos, pasando a ocupar a quinta posición na clasificación da División de Honra B.
O adestrador Aníbal Babini sinalaba que “o Durango foi un equipo forte e xogou con moita presión”. A clave da derrota estivo en que “non soubemos aproveitar as oportunidades que tivemos e cometemos máis erros que o Durango, que non desperdiciou ningunha ocasión converténdoa en puntos”, explicaba Babini.
Ao mal xogo e á falta de sorte hai que engadirlle a labor pouco acertada da colexiada madrileña Díaz. Dende o equipo pídeselle á Federación que revise o nivel de arbitraxe nesta categoría, que Ramón Pérez, responsable de prensa do Universidade Ednon TRC, caracteriza de “penoso”.
Despois dun par de semanas de descanso, a volta ó xogo será o 15 de novembro, de novo na casa, fronte o Gernika.