Diario da Universidade de Vigo
Emilio Atrio e Guillermo Brea serán nomeados “Amigo Distinguido” polo seu apoio e colaboración coa Universidade
O relatorio “Sociedade, Universidade e Empresa” e a presentación do libro “Vigo y las Ciencias del M
Como se ven facendo cada ano dende 1999, a Asociación de Amigos e Antigos Alumnos da Universidade levará a cabo o nomeamento e a entrega de diplomas de recoñecemento de “Amigo Distinguido”, este venres a partir das 20.00 horas no Centro Social Caixanova de Vigo.
Emilio Atrio, presidente do Consello Social da Universidade e Guillermo Brea, subdirector xeral de Caixanova e director da súa Obra Social, serán os galardoados polos anos 2007 e 2006 respectivamente, no acto que presidirá o reitor Alberto Gago. Este recoñecemento creouse para distinguir a persoas que deron o seu apoio á Universidade e ou á Asociación, potenciando o seu desenvolvemento e a calidade da mesma.
Emilio Atrio e Guillermo Brea, ao igual que todos aqueles aos que se lle concedeu esta medalla en pasadas edicións, “son considerados personaxes distinguidos na sociedade galega, sendo elixidos pola súa contribución e cooperación continua coa Universidade así como coa propia Asociación dende a entidade que representan”, explica José María Franco presidente da Asociación. A labor destas persoas traduciuse na consecución de importantes actividades levadas a cabo a prol da Universidade, así como o seu apoio no XI Encontro de Asociacións de Antigos Alumnos das Universidades Españolas, celebrado o pasado ano na cidade olívica e no que participaron representantes de 26 universidades españolas e catro estranxeiras. Unha colaboración non só económica senón tamén social e benéfica, sendo así por exemplo o caso de Guillermo Brea no feito de “prestar o seu Centro Social para a celebración de múltiples eventos”, engade o presidente.
A continuación, para pechar o acto, presentarase o libro Vigo y las Ciencias del Mar, coordinado polo propio Franco e José Luis Vázquez, vicepresidente da Asociación. A obra nace como produto dese XI Encontro de Asociacións de Antigos Alumnos das Universidades Españolas, na que se recolle un resumo dos relatorios alí expostos.
Emilio Atrio, presidente do Consello Social da Universidade e Guillermo Brea, subdirector xeral de Caixanova e director da súa Obra Social, serán os galardoados polos anos 2007 e 2006 respectivamente, no acto que presidirá o reitor Alberto Gago. Este recoñecemento creouse para distinguir a persoas que deron o seu apoio á Universidade e ou á Asociación, potenciando o seu desenvolvemento e a calidade da mesma.
Emilio Atrio e Guillermo Brea, ao igual que todos aqueles aos que se lle concedeu esta medalla en pasadas edicións, “son considerados personaxes distinguidos na sociedade galega, sendo elixidos pola súa contribución e cooperación continua coa Universidade así como coa propia Asociación dende a entidade que representan”, explica José María Franco presidente da Asociación. A labor destas persoas traduciuse na consecución de importantes actividades levadas a cabo a prol da Universidade, así como o seu apoio no XI Encontro de Asociacións de Antigos Alumnos das Universidades Españolas, celebrado o pasado ano na cidade olívica e no que participaron representantes de 26 universidades españolas e catro estranxeiras. Unha colaboración non só económica senón tamén social e benéfica, sendo así por exemplo o caso de Guillermo Brea no feito de “prestar o seu Centro Social para a celebración de múltiples eventos”, engade o presidente.
Debate e presentación dun libro
Juan José Sanz, Catedrático Emérito da Universidade Politécnica de Madrid, ofrecerá un relatorio baixo o título Sociedade, Universidade e Empresa, co obxectivo de “estimular a recadación de fondos, creando sentido e conciencia dun financiamento da universidade por parte de empresas privadas e da sociedade en xeral”, explica Jose María Franco.A continuación, para pechar o acto, presentarase o libro Vigo y las Ciencias del Mar, coordinado polo propio Franco e José Luis Vázquez, vicepresidente da Asociación. A obra nace como produto dese XI Encontro de Asociacións de Antigos Alumnos das Universidades Españolas, na que se recolle un resumo dos relatorios alí expostos.