Enxeñaría Forestal forma expertos en linguaxe binaria para o manexo de maquinas de control numérico
O mercado laboral demanda profesionais con este tipo de formación teórica e práctica
Tallar círculos, liñas diagonais e figuras complexas tridimensionais en madeira é posible grazas a unha máquina de control numérico que traduce á linguaxe binaria o deseño a realizar. Dende o curso académico 2011/12 o alumnado da Escola de Enxeñaría Forestal está a traballar con esta máquina, de dimensións e características propias da docencia, para formárense neste eido e acceder ao mercado laboral nas mellores condicións posibles.
“As empresas demandan cada vez máis profesionais que saiban do manexo práctico da maquinaria que teñen nas súas instalacións. Achegar os alumnos e alumnas ao funcionamento e utilidade de ferramentas coma esta é un complemento indispensable para o grao en Enxeñaría Forestal”, asegura o técnico en Deseño Asistido, Luis Torres. A adquisición desta máquina de control numérico responde, en gran medida, a esta necesidade de adaptar os coñecementos teóricos e prácticos do alumnado ás esixencias do mercado.
Ademais disto, dende a escola resaltan o interese e expectación que esperta esta ferramenta entre o seu potencial alumnado. “É todo un reclamo á hora de facer visible ante a sociedade e os futuros universitarios e universitarias o grao que se imparte neste centro”, comenta Torres. Con todo, o seu nicho de mercado atópase principalmente nos ciclos de formación superior vinculados co sector do moble.
“As empresas demandan cada vez máis profesionais que saiban do manexo práctico da maquinaria que teñen nas súas instalacións. Achegar os alumnos e alumnas ao funcionamento e utilidade de ferramentas coma esta é un complemento indispensable para o grao en Enxeñaría Forestal”, asegura o técnico en Deseño Asistido, Luis Torres. A adquisición desta máquina de control numérico responde, en gran medida, a esta necesidade de adaptar os coñecementos teóricos e prácticos do alumnado ás esixencias do mercado.
Ademais disto, dende a escola resaltan o interese e expectación que esperta esta ferramenta entre o seu potencial alumnado. “É todo un reclamo á hora de facer visible ante a sociedade e os futuros universitarios e universitarias o grao que se imparte neste centro”, comenta Torres. Con todo, o seu nicho de mercado atópase principalmente nos ciclos de formación superior vinculados co sector do moble.