Diario da Universidade de Vigo
O cadro sénior masculino de baloncesto xoga este sábado contra o Seis do Nadal
O equipo de rugby inicia a segunda volta da liga contra os coruñeses do Fendetestas
O BCA vai ser o rival dos xogadores júnior de baloncesto no partido do domingo
Tras o descanso da ponte da Constitución os equipos de rugby e de baloncesto están preparados xa para xogar novos partidos esta fin de semana. O Campus Universitario de Ourense de Rugby viaxará este sábado ata a localidade coruñesa de As Pontes para enfrontarse ao equipo local do Fendetestas. Ese mesmo día, o cadro sénior masculino de baloncesto xogará contra os vigueses do Seis do Nadal no pavillón universitario. O equipo júnior enfrontarase o domingo ao BCA. Para o cadro sénior feminino de baloncesto esta fin de semana será de descanso.
Aínda así, os xogadores do Campus non se fían do rival e lembran o difícil encontro da primeira volta onde, non sen atrancos, conseguiron imporse cun resultado de 28-15.
No encontro do sábado os ourensáns tentarán conseguir unha vitoria que os afaste dos derradeiros postos da táboa antes da parada do Nadal, despois do cal se enfrontarán contra o invicto líder CRAT A Coruña.
O cadro júnior masculino de baloncesto, pola súa banda, xogará este domingo contra o BCA. E farao despois da vitoria acadada contra o Cidade de Lugo, equipo ao que derrotou por un resultado de 69-53. Na actualidade, o Campus Ourense Blanco Amor ocupa o sexto lugar na táboa de clasificación. O líder é o Maristas, seguido polo Marín e polo Caixanova Rosalía.
O equipo de rugby mídese ao Fendetestas
Comeza a segunda volta da liga para o Campus Universitario de Ourense de Rugby. Os ourensáns desprazaranse este sábado ata a localidade coruñesa de As Pontes para enfrontarse ao equipo local do Fendetestas. Na actualidade, os coruñeses ocupan a derradeira posición da táboa con 8 puntos menos que os ourensáns.Aínda así, os xogadores do Campus non se fían do rival e lembran o difícil encontro da primeira volta onde, non sen atrancos, conseguiron imporse cun resultado de 28-15.
No encontro do sábado os ourensáns tentarán conseguir unha vitoria que os afaste dos derradeiros postos da táboa antes da parada do Nadal, despois do cal se enfrontarán contra o invicto líder CRAT A Coruña.
Bo momento físico e mental para o cadro sénior masculino de baloncesto
Despois de derrotar ao Liceo Casino de Vilagarcía por un resultado de 67-74 o cadro sénior de baloncesto enfróntase este sábado aos vigueses do Seis do Nadal no pavillón universitario. O adestrador do equipo, Javier Pérez, é optimista ante este encontro porque, segundo explica, “estamos nun momento moi bo da temporada, tanto física como mentalmente”. Javier Pérez revela tamén que o equipo vigués “é un rival que baixa moito cando xoga fóra da casa polo que esperamos aproveitar esa vantaxe e xogar con ritmo e intensidade para poder gañar o partido”. Na actualidade, o Universitario Campus Ourense ocupa o segundo posto na táboa de clasificación só superado polo líder, o CB Tui, unha realidade que fai que o equipo estea moi animado pero tamén que os partidos sexan cada vez máis difíciles. Segundo o adestrador, “a partir de agora os encontros van ser complicados porque temos que manter as expectativas creadas arredor do equipo”, declara.O cadro júnior masculino de baloncesto, pola súa banda, xogará este domingo contra o BCA. E farao despois da vitoria acadada contra o Cidade de Lugo, equipo ao que derrotou por un resultado de 69-53. Na actualidade, o Campus Ourense Blanco Amor ocupa o sexto lugar na táboa de clasificación. O líder é o Maristas, seguido polo Marín e polo Caixanova Rosalía.