Segundo os expertos que participan nunha xornada sobre astrobioloxía
Estatisticamente é case imposible que esteamos sos no Universo
Os extremófilos poderían axudar a resposta a un dos maiores enigmas da humanidade
É un dos grandes enigmas da humanidade, un misterio que intrigou aos homes dende hai séculos pero a confirmación da existencia de vida noutros planetas pode atoparse nos microorganismos. Pequenísimos seres vivos poden axudar a resolver unha grande incógnita a través da astrobioloxía, disciplina que centrou a xornada celebrada este mércores na Facultade de Bioloxía. Os tres expertos que participan nos relatorios coinciden en que estatisticamente é case imposible que esteamos sos no Universo. Minia Manteiga, investigadora da Universidade da Coruña; Benjamín Montesinos, do Centro de Astrobioloxía (CAB) e de Ricardo Amils, catedrático da Universidade Autónoma de Barcelona e membro tamén do CAB, achegaron á comunidade universitaria as diversas liñas de investigación e traballos que se desenvolven na procura de vida no Universo e responderon a unha longa lista de preguntas e inquedanzas do estudantado.
Con todo, subliñaron os tres investigadores que tan só coñecemos o 2% ou 3% das formas de vida do planeta. “Se traballamos con esa miopía antropomórfica” na Terra, tamén o faremos no espazo, onde poden existir organismos que “non somos quen nin de imaxinar”. Amils anima ás novas xeracións de investigadores a traballar coa imaxinación na procura de novos conceptos de vida, deixando atrás as ideas preconcibidas ‘terrestres’.
Non estamos sos pero, como o demostramos?
Manteiga, Montesinos e Amils destacaron que a astrobioloxía, como resultado da mestura de astrofísica, bioloxía e xeoloxía, ten o obxectivo de dar resposta a un dos grandes retos da humanidade. Neste sentido, as cifras falan por si soas: 100.000 millóns de galaxias, 200.000 millóns de estrelas e un número case infinito de planetas. Ante isto, os astrofísicos pregúntanse que posibilidade habería de que só na Terra se desen condicións para a habitabilidade: case ningunha. Pero o problema é “que falamos de ciencia e require dunha demostración científica que aínda non temos”, explica Ricardo Amils, “pero a química-física é universal” e as condicións para a vida poden darse en calquera recuncho o Universo. Neste sentido, Benjamín Montesinos incidiu no que os científicos chaman zona de habitabilidade dos sistemas planetarios, que reúne as condicións para acubillar vida, pero as grandes preguntas xorden despois: que consideramos vida? Só buscamos vida antropomórfica? Podería haber vida sen auga ou sen osíxeno?A resposta, no subsolo
A resposta a moitas destas preguntas non se atopa no ceo, senón baixo os nosos pés. O descubrimento de vida en lugares inverosímiles como no subsolo abre novas vías de traballo, porque demostra, segundo o profesor Amils, “a miopía coa que buscamos lugares potencialmente habitables”. Refírese ao achado de microorganismo que non precisan luz nin osíxeno para sobrevivir, do mesmo xeito que o poderían facer en planetas que ata agora os científicos consideraban inhabitables.Con todo, subliñaron os tres investigadores que tan só coñecemos o 2% ou 3% das formas de vida do planeta. “Se traballamos con esa miopía antropomórfica” na Terra, tamén o faremos no espazo, onde poden existir organismos que “non somos quen nin de imaxinar”. Amils anima ás novas xeracións de investigadores a traballar coa imaxinación na procura de novos conceptos de vida, deixando atrás as ideas preconcibidas ‘terrestres’.