Diario da Universidade de Vigo
Dentro da programación cultural de outono
Galicia e Cuba unidas por un documental que se proxecta esta tarde nas Casa das Campás
A Casa das Campás acolle esta tarde a proxeción do documental Galicia e Cuba, unha peza dirixida polo cineasta Ernesto Daranas e producida por Natasha Vázquez, quen explica que “a intención da obra é afondar en dúas maneiras diferentes de vivir e afrontar temas tan intrínsecos ao ser humano como son a relixión e a espiritualidade”.
A obra establece unha comparativa entre dúas peregrinacións que contan con fieis seguidores nos seus respectivos ámbitos: o Camiño de Santiago e a ruta de San Lázaro en Rincón, unha vila situada preto de La Habana. “Este documental quere mostrar que a pesar das diferenzas culturais, no fondo as diverxencias non son tan insalvables como puidera parecer a simple vista”, segundo razona a productora.
A obra, que foi estreada nos escearios ourensáns e cubanos, forma parte da programación de outono da Casa das Campás. “Nos pases anteriores quedamos moi contentos. Cremos que o resultado é interesante e que ao público lle gusta, polo que agardamos que sexa un éxito”, explica Vázquez. Nesta ocasión, o pase, que comezará ás seis e media da tarde, irá precedido dunha conferencia na que Natasha Vázquez explicará a razón de ser da peza.