Diario da Universidade de Vigo
O profesor da University of California participou no ciclo de conferencias do Campus do Mar
Gary Libecap defende o papel das institucións como reguladoras dos recursos pesqueiros
O seu relatorio versou sobre a necesidade de aplicar normas públicas para buscar a eficiencia
O profesor Gary Libecap, no centro, estivo acompañado polos profesores da Universidade de Vigo Manuel Varela, esquerda, e Gonzalo Caballero
Entre os asistentes, na primeira fila, estivo o profesor islandés Ragnar Arnason, outro dos poñentes deste ciclo
Gary Libecap, profesor de Xestión Ambiental da University of California, Santa Barbara, achegou hoxe a súa perspectiva sobre a administración eficiente dos recursos pesqueiros aos membros da comunidade universitaria dentro do ciclo de conferencias do Campus do Mar, que durante esta semana están dedicadas á economía.
Libecap salientou durante o seu relatorio o papel das institucións como garantes dun desenvolvemento sostible dos recursos pesqueiros. A súa proposta é que a aplicación de leis baseadas no grandfathering, ou dereitos adquiridos, incrementa “a dinámica da eficiencia, en comparación con outras alternativas”. A súa investigación céntrase no papel dos dereitos de propiedade das institucións para facer fronte ao problema que supón a “Traxedia dos Comúns”, segundo a cal varios individuos, motivados soamente polo seu interese persoal, e actuando independente, pero racionalmente, terminan por destruír un recurso compartido limitado, aínda que non sexa iso o que busca.
Por iso o profesor norteamericano defende o papel das institucións públicas como reguladoras, en especial no eido dos recursos mariños e as pesqueiras, xa que “recoñecendo as particularidades de cada un dos axentes poden motivar investimentos eficientes tanto no eido económico como ambiental”. Segundo explica, as administracións poden salientar “as habilidades innatas e históricas de cada un dos interesados, así como o seu coñecemento específico da pesqueira”, facilitando a toma de decisións, algo que non sucede cando o reparto de zonas faise mediante poxa, pois neses casos a información sobre os recursos é máis limitada.
Na súa primeira estancia na Universidade de Vigo, “aínda que non esperamos que sexa a última”, segundo asegurou Gonzalo Caballero, que exerceu de presentador e moderador, Libecap recoñeceu que o Campus do Mar é un proxecto “marabilloso. É moi importante, porque supón achegar a Universidade a outros espacios, e conectar as diversas áreas de coñecemento”, salientou.
Libecap salientou durante o seu relatorio o papel das institucións como garantes dun desenvolvemento sostible dos recursos pesqueiros. A súa proposta é que a aplicación de leis baseadas no grandfathering, ou dereitos adquiridos, incrementa “a dinámica da eficiencia, en comparación con outras alternativas”. A súa investigación céntrase no papel dos dereitos de propiedade das institucións para facer fronte ao problema que supón a “Traxedia dos Comúns”, segundo a cal varios individuos, motivados soamente polo seu interese persoal, e actuando independente, pero racionalmente, terminan por destruír un recurso compartido limitado, aínda que non sexa iso o que busca.
Por iso o profesor norteamericano defende o papel das institucións públicas como reguladoras, en especial no eido dos recursos mariños e as pesqueiras, xa que “recoñecendo as particularidades de cada un dos axentes poden motivar investimentos eficientes tanto no eido económico como ambiental”. Segundo explica, as administracións poden salientar “as habilidades innatas e históricas de cada un dos interesados, así como o seu coñecemento específico da pesqueira”, facilitando a toma de decisións, algo que non sucede cando o reparto de zonas faise mediante poxa, pois neses casos a información sobre os recursos é máis limitada.
Na súa primeira estancia na Universidade de Vigo, “aínda que non esperamos que sexa a última”, segundo asegurou Gonzalo Caballero, que exerceu de presentador e moderador, Libecap recoñeceu que o Campus do Mar é un proxecto “marabilloso. É moi importante, porque supón achegar a Universidade a outros espacios, e conectar as diversas áreas de coñecemento”, salientou.