O concerto celebrouse este xoves no Teatro Vidal Bolaño ao abeiro do 25 aniversario da especialidade
O grupo Sueño de Calíope fai as delicias dos enxeñeiros en Organización Industrial
Con pezas propias e versión recoñecidas como Solo el amor, de Silvio Rodríguez ou Cable a Tierra de Fito Páez, as vocalistas do grupo Sueño de Calíope fixeron as delicias do público, na súa maioría pertencente ao alumnado e profesorado de Enxeñaría en Organización Industrial, que se deu cita este xoves no Teatro Vidal Bolaño para celebrar o 25 aniversario da especialidade.
Cunha brillante actuación vocal, Isabel Álvarez, Andrea Pousa e Dania D`Alfonso ofreceron un repertorio no que fusionaron a música clásica e a moderna, interpretando pezas operísticas como a habanera Carmen ou Questa Notte D`Inverno.
Acompañadas por un piano e arroupadas en todo momento polo público, as compoñentes do grupo atrevéronse tamén con melodías actuais como Fallin de Alicia Keys, unha interpretación que non deixou indiferente aos asistentes.
Este concerto enmárcase dentro da programación cultural do 25 aniversario, na que tamén se inclúen as xornadas técnicas e outras actividades de lecer. Segundo manifestou noutras ocasións o coordinador do programa, Carlos Prado, "esta programación ten un efecto multiplicador grazas á colaboración do estudantado, que se encargou da parte máis lúdica, coma os concertos e os talleres" explicou.
Cunha brillante actuación vocal, Isabel Álvarez, Andrea Pousa e Dania D`Alfonso ofreceron un repertorio no que fusionaron a música clásica e a moderna, interpretando pezas operísticas como a habanera Carmen ou Questa Notte D`Inverno.
Acompañadas por un piano e arroupadas en todo momento polo público, as compoñentes do grupo atrevéronse tamén con melodías actuais como Fallin de Alicia Keys, unha interpretación que non deixou indiferente aos asistentes.
Este concerto enmárcase dentro da programación cultural do 25 aniversario, na que tamén se inclúen as xornadas técnicas e outras actividades de lecer. Segundo manifestou noutras ocasións o coordinador do programa, Carlos Prado, "esta programación ten un efecto multiplicador grazas á colaboración do estudantado, que se encargou da parte máis lúdica, coma os concertos e os talleres" explicou.