A importancia dos lagartos en… tailandés!
130.000 tailandeses visionaron xa o vídeo do grupo Divulgare no seu idioma propio
Galego, castelán, inglés, éuscaro e … tailandés! O vídeo dos lagartos elaborado polo grupo Divulgare, Laboratorio de Ecoloxía e Evolución das Plantas foi dobrado ao tailandés e visionado xa por máis de 130.000 tailandeses, “unha boa proba de que desde Galicia se están facendo cousas de calidade que están recibindo xa o recoñecemento desde fóra”, apuntou o profesor Luis Navarro, director do grupo, quen insistiu en que “empezamos a estar ao nivel doutros países con máis tradición ca nós no que a divulgación científica se refire”.
A iniciativa xurdiu o pasado ano cando coa participación do documental no Science Film Festival de Bangkok, un certame organizado polo Instituto Goethe, a embaixada de Francia e o Instituto para a promoción do ensino da Ciencia e da Tecnoloxía de Tailandia. O vídeo A importancia dos lagartos nos ecosistemas insulares quedou finalista e “a partir de aí xurdiu o tema da dobraxe e a súa distribución alí, sobre todo en centros de ensino”, engadiu o biólogo vigués.
Agora o seguinte paso será o francés e o alemán, “dúas linguas que nos permitirán chegar a unha importante porcentaxe de poboación fóra das nosas fronteiras”, algo que, ao seu xuízo, é fundamental para dar coñecer “o traballo que se está a facer dende as universidades e centros de investigación españois”.
A iniciativa xurdiu o pasado ano cando coa participación do documental no Science Film Festival de Bangkok, un certame organizado polo Instituto Goethe, a embaixada de Francia e o Instituto para a promoción do ensino da Ciencia e da Tecnoloxía de Tailandia. O vídeo A importancia dos lagartos nos ecosistemas insulares quedou finalista e “a partir de aí xurdiu o tema da dobraxe e a súa distribución alí, sobre todo en centros de ensino”, engadiu o biólogo vigués.
Agora o seguinte paso será o francés e o alemán, “dúas linguas que nos permitirán chegar a unha importante porcentaxe de poboación fóra das nosas fronteiras”, algo que, ao seu xuízo, é fundamental para dar coñecer “o traballo que se está a facer dende as universidades e centros de investigación españois”.