Diario da Universidade de Vigo
Na representación de teatro de rúa desde mércores
Mandarina reivindica o orgasmo como cousa de mulleres
Mandarina reivindica no seu espectáculo a sexualidade feminina
A actriz fai ao público partícipe do seu espectáculo
Un intre da representación de "El orgasmo es cosa de mujeres"
Na xornada na que se celebra o Día Internacional contra a Violencia de Xénero, Mandarina reivindicou no espectáculo que este mediodía representou no Centro Comercial de Cidade Universitaria, a sexualidade como foco de poder das mulleres. Na obra El orgasmo es cosa de mujeres, a actriz arxentina Laura Muñoz fai una alarde de intelixencia, humor e ritmo, nun espectáculo que sorprendeu ao público que se deu cita para presencialo pola súa espontaneidade e elocuencia.
“Falo da miña vida”, confesa Mandarina, “como por exemplo a negativa da miña avoa a que fose artista, porque segundo ela as mulleres non temos sentido do humor. Unha afirmación que conseguín desfacer”. Na obra, na que a actriz arxentina fala tamén sobre a política do seu país e de circunstancias como o “corralito” que a obrigaron no seu día a abandonalo, a sexualidade feminina é unha constante. Así a doutora á que Mandarina dá vida e que resulta ser profesional na profesión e amoral no amor, insiste en que “o poder das mulleres radica na sexualidade” e refírese ao clítoris como “un punto de poder e enerxía feminina”.
Nacida en Bos Aires , Laura Muñoz , comezou a subirse aos escenarios cando só contaba 12 anos e desde entón, e a pesar dos consellos en contra da familia, converteuse en actriz e clown. No ano 2002 chega a Barcelona e tres anos máis tarde funda Mundo Mandarina, compañía na que crea, actúa e produce os seus propios espectáculos nos que combina o clown, maxia, monicreques, monólogos e teatro físico, tanto o público infantil como adulto.
“Falo da miña vida”, confesa Mandarina, “como por exemplo a negativa da miña avoa a que fose artista, porque segundo ela as mulleres non temos sentido do humor. Unha afirmación que conseguín desfacer”. Na obra, na que a actriz arxentina fala tamén sobre a política do seu país e de circunstancias como o “corralito” que a obrigaron no seu día a abandonalo, a sexualidade feminina é unha constante. Así a doutora á que Mandarina dá vida e que resulta ser profesional na profesión e amoral no amor, insiste en que “o poder das mulleres radica na sexualidade” e refírese ao clítoris como “un punto de poder e enerxía feminina”.
Nacida en Bos Aires , Laura Muñoz , comezou a subirse aos escenarios cando só contaba 12 anos e desde entón, e a pesar dos consellos en contra da familia, converteuse en actriz e clown. No ano 2002 chega a Barcelona e tres anos máis tarde funda Mundo Mandarina, compañía na que crea, actúa e produce os seus propios espectáculos nos que combina o clown, maxia, monicreques, monólogos e teatro físico, tanto o público infantil como adulto.