Masiva afluencia de estudantes á conferencia do director da ACSUG, Julio Abalde
O responsable da Axencia Galega de Calidade para o Sisterma Universitario de Galicia informounos sob
A afluencia masiva á conferencia de Julio Abalde sobre a Calidade da oferta académica no Espazo Europeo de Educación Superior (EEES), puxo de manifesto o enorme interese dos estudantes polo proceso de adaptación que sufrirán nos próximos anos. A adecuación do sistema universitario ás directrices que establece o EEES obriga a Universidade a realizar un enorme esforzo para adaptar, coa maior prontitude, os plans de estudos das titulacións, os métodos de docencia e os servizos ao marco da Declaración de Boloña. Para conseguilo é preciso coñecer os niveis da calidade da oferta académica e as liñas de mellora para os próximos anos e este foi, precisamente, o obxectivo da conferencia do director da Axencia Galega de Calidade para o Sistema Universitario de Galicia , ACSUG, Julio Abalde.
O decano da Facultade de Ciencias Empresariais e Turismo, José Carlos Yáñez, encargado da presentación do relator, xunto con Alberto Vaquero, secretario da facultade, comezou a súa intervención facendo unha introdución sobre a situación actual das titulacións e as modificacións que se van facer na estrutura dos plans universitarios cara a incorporación ao EEES. Esta nova situación vai supoñer que “os títulos universitario serán válidos en todos os países membros da Unión Europea, o que facilitará o desprazamento dos graduados”, puntualizou Yáñez.
O decano da Facultade de Ciencias Empresariais e Turismo, José Carlos Yáñez, encargado da presentación do relator, xunto con Alberto Vaquero, secretario da facultade, comezou a súa intervención facendo unha introdución sobre a situación actual das titulacións e as modificacións que se van facer na estrutura dos plans universitarios cara a incorporación ao EEES. Esta nova situación vai supoñer que “os títulos universitario serán válidos en todos os países membros da Unión Europea, o que facilitará o desprazamento dos graduados”, puntualizou Yáñez.