Diario da Universidade de Vigo
“In Situ” de Jordi Juanet
Unha mestura de humor, música e malabares amenizou o xantar no campus
O concerto de Nadal pechará a programación cultural do ano
Humor, música, malabares e monociclos no Centro Comercial do campus
In Situ é o seu primeiro espectáculo como solista, creado a partir dunha recopilación de anécdotas e experiencias acumuladas durante a súa carreira profesional
O cómico conseguiu a complicidade do público aos que debuxou un sonriso nas súas facianas
O soño de converterse algún día nunha estrela da música é unha das ferrametas de traballo de Boni nesta obra
Boni fixo unha demostración das súas peripecias
Deceas de persoas que xantaron este mércores no Centro Comercial do campus puideron disfrutar do espectáculo de rúa In Situ representado polo catalán Jordi Juanet, máis coñecido como Boni. A través da música, malabares e monociclos o cómico conseguiu a complicidade do público ao que debuxou un sorriso nas súas facianas mentres o observaban atentamente. Boni fixo unha demostración das súas habilidades coa manipulación de obxectos e artefactos con rodas. O humor e o soño de converterse algún día nunha estrela da música son os combustibles básicos desta obra chea de diversión, entretemento e acción.
In Situ é o seu primeiro espectáculo como solista, creado a partir dunha recopilación de anécdotas e experiencias acumuladas durante a súa carreira profesional. Jordi Juanet comezou a súa andaina no mundo do teatro conxuntamente con Ramón Muñoz, Caroli, formando o dúo Boni & Caroli. No ano 2000, despois de presentar os seus espectáculos en numerosos países de Europa, América, Asia e África, o grupo disolveuse para seguir a súa traxectoria por separado. Xunto con A Familia Ramírez creou o espectáculo Tres mejor que dos.