Diario da Universidade de Vigo
Un musical protagonizado por estudantes de Ciencias Sociais e da Comunicación abrirá a programación de CultuKata'10
Os organizadores venderon hoxe variedades de biscoitos para recadar fondos
Os organizadores venderon biscoitos na facultade para recadar fondos
Cartaz do segundo martes doce
Cartaz do Marzo Doce, unha iniciativa para recadar fondos ao longo do mes
A semana cultural en torno a Santa Kata, o CultuKata'10, arrincará este ano coa presentación dun musical realizado e protagonizado por estudantes da Facultade de Ciencias Sociais e da Comunicación. “Utilizaremos varias cancións coñecidas e faremos unha coreografía conxuntan para animar á xente a participar na programación de toda a semana”, sinala Cintia Ramírez, unha das alumnas integrantes do comité de organización. O seu obxectivo é propoñer unha maneira diferente de arrincar a celebración, posto que nas edicións anteriores non había unha actividade que marcase o comezo.
Esta é unha das novidades do programa que semana a semana avanzan os coodinadores do CultuKata. A algo máis dun mes para a celebración da festividade ultiman as xestións para pechar o que queda por decidir e por confirmar e cadrar cada actividade no calendario. Moitas das actividades xa perfiladas prefiren reservalas para manter a curiosidade de cara á presentación xeral do programa.
A onomástica de Santa Catarina de Siena cae este ano o 29 de abril, polo que as actividades darán comezo o día 21 e o que está xa confirmado é que xirarán en torno ao tema A música no cinema e na publicidade. Un ciclo de conferencias impartidas por profesionais do cinema, a música e a publicidade; un concurso para realizar unha curtametraxe en 24 horas; o tradicional concurso de camisetas; proxeccións de filmes musicais; e unha recuperación das proxeccións interactivas da mítica The Rocky Horror Picture Show, popularizadas nos anos 80 en sesión golfa, son algunhas das actividades que incluirá a programación da semana cultural deste curso en torno a Santa Kata.
Este ano queren tamén facer unha chamada á concienciación ecolóxica coa distribución de vasos de plástico reutilizables para a gran celebración final do día 29, un pequeno xesto que, cando menos, contribuirá a manter o campus limpo.
Os alumnos e alumnas de Publicidade e Relación Públicas e Comunicación Audiovisual aproveitan este evento para amosar a súa capacidade creativa e aplicar os criterios estéticos que adquiren nas aulas, plasmándoos en orixinais deseños para a cartelería que anuncia a iniciativa. Un cartaz xeral anuncia os Marzo Doce e cada martes editan unha versión específica para a proposta do día. Todos eles teñen un pouco coñecido patrocinador: Los Desayunos de la Publi.
Esta é unha das novidades do programa que semana a semana avanzan os coodinadores do CultuKata. A algo máis dun mes para a celebración da festividade ultiman as xestións para pechar o que queda por decidir e por confirmar e cadrar cada actividade no calendario. Moitas das actividades xa perfiladas prefiren reservalas para manter a curiosidade de cara á presentación xeral do programa.
A onomástica de Santa Catarina de Siena cae este ano o 29 de abril, polo que as actividades darán comezo o día 21 e o que está xa confirmado é que xirarán en torno ao tema A música no cinema e na publicidade. Un ciclo de conferencias impartidas por profesionais do cinema, a música e a publicidade; un concurso para realizar unha curtametraxe en 24 horas; o tradicional concurso de camisetas; proxeccións de filmes musicais; e unha recuperación das proxeccións interactivas da mítica The Rocky Horror Picture Show, popularizadas nos anos 80 en sesión golfa, son algunhas das actividades que incluirá a programación da semana cultural deste curso en torno a Santa Kata.
Este ano queren tamén facer unha chamada á concienciación ecolóxica coa distribución de vasos de plástico reutilizables para a gran celebración final do día 29, un pequeno xesto que, cando menos, contribuirá a manter o campus limpo.
Segundo martes doce
Por segundo martes consecutivo, o comité organizador propuxo comezar o día cunha tentación doce. Hoxe tocaba “biscoito e algo máis...”. Por tan só 1€ podíase escoller entre unha ración de brownie, torta de queixo, torta de galletas, torta de mousse de chocolate ou biscoitos variados. É a segunda proposta do Marzo Doce, unha das iniciativas que puxeron en marcha os organizadores para recadar fondos.Os alumnos e alumnas de Publicidade e Relación Públicas e Comunicación Audiovisual aproveitan este evento para amosar a súa capacidade creativa e aplicar os criterios estéticos que adquiren nas aulas, plasmándoos en orixinais deseños para a cartelería que anuncia a iniciativa. Un cartaz xeral anuncia os Marzo Doce e cada martes editan unha versión específica para a proposta do día. Todos eles teñen un pouco coñecido patrocinador: Los Desayunos de la Publi.