No marco do Foro Neotec para a posta en marcha de empresas de base tecnolóxica
Nanoinmunotech acada o recoñecemento do CDTI cunha achega de 600.000 euros
A spin-off dedícase á caracterización biolóxica de nanoestruturas
Nun ano e medio, Nanoinmunotech consolidou a súa aposta no eido da nanotecnoloxía como empresa punteira a nivel e estatal acadando recoñecemento a través de varios premios e agora co respaldo do Centro de Desarrollo Tecnológico Industrial. Tras a súa participación no mes de novembro no Foro Neotec en Bilbao, os seus responsables África González e Christian Sánchez Espinel, veñen de coñecer a concesión de financiamento cunha dotación de 600.000 euros. Trátase dunha achega no marco de Neotec, un foro que reúne a inversores con empresas de base tecnolóxica como Nanoinmunotech, que xorde da colaboración entre grupos de investigación das universidades de Vigo e Zaragoza.
Para o 2011 a empresa, que traballa na caracterización biolóxica e físico-química de nanopartículas, contará cun orzamento dun millón de euros que vén a confirmar o acertado desta aposta por “un sector en auxe, un campo con moito futuro e expansión internacional”. Segundo explica o xerente da empresa, Christian Sánchez, o requisito para outorgar este financiamento é que a contía outorgada non supere a porcentaxe total do financiamento, é dicir, “que os promotores esteamos en fase de rolda de financiamento para completar un orzamento total para o primeiro ano de 900.000 euros aproximadamente e, por outra banda, a contratación dun director xeral senior con dilatada experiencia no sector”.
A elección de Nanoimnunotech para este financiamento non supón só unha achega económica, senón un recoñecemento ao labor desenvolto polo seus fundadores. Segundo apunta Sánchez Espinel, “o que fixo decantarse a Neotec foi a capacidade da empresa de converter servizos en produtos, e pasar a ser comercializadora empregando a tecnoloxía NIT-zipper nos nosos kits de biofuncionalización de nanomateriais”.
Este recoñecemento vén a ratificar o bo comezo da actividade da empresa e Sánchez resalta que “lograr o NEOTEC I supón pasar a mellor auditoría científico-técnica e económico-financeira no país e sírvenos como carta de presentación ao tempo que nos avala”. Así, tras estes primeiros meses de traballo, o seu xerente recoñece a importancia do camiño andado, “xa que en realidade comezamos a nosa actividade económica a mediados deste ano e, a día de hoxe alegrámonos de estar prestando servizos a diversas empresas de diferentes sectores e xa facturar, algo non habitual nas empresas de base tecnolóxica nos seus primeiros meses”.
De cara a este 2011 a empresa lanzará o seu primeiro catálogo de produtos en formato de kits de biofuncionalización baseados nunha tecnoloxía patentada e licenciada pola empresa, dando o salto de prestadores de servizos a comercializadores dun produto físico.
Este carácter multidisciplinar e a ausencia de empresas que desenvolvan este traballo nin a nivel estatal nin europeo auguran a Nanoinmunotech unha longa traxectoria nun campo como o nano que está en expansión, con elevadas inversións públicas e privadas e unha perspectiva claramente internacional.
Para o 2011 a empresa, que traballa na caracterización biolóxica e físico-química de nanopartículas, contará cun orzamento dun millón de euros que vén a confirmar o acertado desta aposta por “un sector en auxe, un campo con moito futuro e expansión internacional”. Segundo explica o xerente da empresa, Christian Sánchez, o requisito para outorgar este financiamento é que a contía outorgada non supere a porcentaxe total do financiamento, é dicir, “que os promotores esteamos en fase de rolda de financiamento para completar un orzamento total para o primeiro ano de 900.000 euros aproximadamente e, por outra banda, a contratación dun director xeral senior con dilatada experiencia no sector”.
Primeiros pasos firmes
Con esta achega Nanoinmunotech afronta o seu segundo ano con maior tranquilidade en tempos de crise. “Supón un punto de inflexión, un primeiro chanzo, que nos permite dotarnos de infraestruturas propias e ter unha plantel de 7 persoas en 2011, todos altamente cualificados e algúns da propia Universidade de Vigo, así como desenvolver o noso catálogo de produtos e lanzalos ao mercado”.A elección de Nanoimnunotech para este financiamento non supón só unha achega económica, senón un recoñecemento ao labor desenvolto polo seus fundadores. Segundo apunta Sánchez Espinel, “o que fixo decantarse a Neotec foi a capacidade da empresa de converter servizos en produtos, e pasar a ser comercializadora empregando a tecnoloxía NIT-zipper nos nosos kits de biofuncionalización de nanomateriais”.
Este recoñecemento vén a ratificar o bo comezo da actividade da empresa e Sánchez resalta que “lograr o NEOTEC I supón pasar a mellor auditoría científico-técnica e económico-financeira no país e sírvenos como carta de presentación ao tempo que nos avala”. Así, tras estes primeiros meses de traballo, o seu xerente recoñece a importancia do camiño andado, “xa que en realidade comezamos a nosa actividade económica a mediados deste ano e, a día de hoxe alegrámonos de estar prestando servizos a diversas empresas de diferentes sectores e xa facturar, algo non habitual nas empresas de base tecnolóxica nos seus primeiros meses”.
Un campo en expansión
Nanoinmunotech é unha empresa recoñecida pola Xunta de Galicia como Empresa Innovadora de Base Tecnolóxica, que xorde a mediados do 2009 froita da colaboración entre grupos de investigación da Universidade de Vigo e da de Zaragoza. Tanto África González como Christian Sánchez salientan o carácter multidisciplinar da mesma como unha importante potencialidade, cun equipo formado por biólogos, químicos, físicos e médicos. A biomedicina preséntase como o principal nicho de traballo para a entidade, que ofrece servizos de caracterización biolóxica e físico-química de nanopartículas. “A idea xorde na necesidade”, explican, xa que non había empresas nin grupos dedicados a facer unha caracterización global destas nanopartículas. O seu traballo céntrase na análise de novos materiais, fármacos máis innovadores, etc, que requiren “unha caracterización previa antes do seu uso en organismos, tanto a nivel físico-químico como biolóxico, que aseguren que as nanoparículas que se van empregar nos seres humanos sexan biocompatibles” . Xunto coa biomedicina, as nanopartículas abren un amplo abano de mercado como o campo cosmético, a veterinaria ou o sector agroalimentario.De cara a este 2011 a empresa lanzará o seu primeiro catálogo de produtos en formato de kits de biofuncionalización baseados nunha tecnoloxía patentada e licenciada pola empresa, dando o salto de prestadores de servizos a comercializadores dun produto físico.
Este carácter multidisciplinar e a ausencia de empresas que desenvolvan este traballo nin a nivel estatal nin europeo auguran a Nanoinmunotech unha longa traxectoria nun campo como o nano que está en expansión, con elevadas inversións públicas e privadas e unha perspectiva claramente internacional.