Diario da Universidade de Vigo
Nas modalidades de baloncesto, fútbol, fútbol sala, balonmán, rugby e voilebol
Os Campionatos Galegos Universitarios de deportes de equipo reunirán no campus a 300 participantes
Celebraranse os días 9 e 10 de febreiro nas instalacións do campus
Haberá competicións de baloncesto, fútbol, fútbol sala, balonmán, rugby e voilebol
Celebraranse os días 9 e 10 de febreiro
Seguindo a máxima de “mente sa en corpo san”, a práctica do deporte e as competicións deportivas xogan un papel moi importante entre os universitarios. Existen equipos de diferentes modalidades, ampla oferta de instalacións, competicións e unha arraigada cultura do fomento do deporte que enriquece a vida universitaria. Cada ano, a comunidade universitaria galega ten unha cita de referencia nos XIV Campionatos Galegos Universitarios de deportes de equipo, que este ano reunirán o 9 e 10 de febreiro a arredor de 300 deportistas no campus de Ourense.
“Para nós esta cita é moi importante. Reuniranse equipos das universidades de Santiago de Compostela, A Coruña e Vigo; equipos das diferentes modalidades, desde rugby ata voleibol. Os gañadores serán os seleccionados en Galicia para participar no Campionato de España Universitario de cada modalidade” salienta Rodrigo Alberte Pivida, técnico do Servizo de Deportes do campus de Ourense. A competición enfrontará a equipos de baloncesto, balonmán, voleibol, fútbol sala e rugby 7, tanto masculinos coma femininos, e a equipos de fútbol 11 masculinos e fútbol 7 femininos.
“Durante os dous días de celebración primeiro enfrontaranse os equipos da Universidade de Vigo e Santiago de Compostela, por proximidade xeográfica, e os equipos gañadores enfrontaranse aos da Universidade da Coruña de cada modalidade” explica Pivida. Serán dous días de práctica do deporte, de intercambio de experiencias entre os equipos e de sa competición entre universitarios.
Para elixir aos que finalmente acudirán, os días 2 e 3 de febreiro celebrarase en Vigo o Torneo Intercampus 2011, que reunirá aos campións das ligas de cada un dos tres campus da Universidade de Vigo. Os equipos gañadores en cada modalidade deste torneo serán os que representen á Universidade de Vigo o vindeiro 9 e 10 de febreiro fronte ás demais universidades galegas.
“Vamos paso a paso. Primeiro temos que enfrontar a cita da Intercampus, na que agardamos que os equipos do campus de Ourense teñan bos resultados, e logo chegará o momento de acoller en Ourense a celebración do Campionato Galego, que esperamos se desenvolva nun ambiente de competición moi positivo e motivador” salienta o técnico do Servizo de Deportes do campus de Ourense. Os partidos estarán abertos a todo o público que se queira achegar.
“Para nós esta cita é moi importante. Reuniranse equipos das universidades de Santiago de Compostela, A Coruña e Vigo; equipos das diferentes modalidades, desde rugby ata voleibol. Os gañadores serán os seleccionados en Galicia para participar no Campionato de España Universitario de cada modalidade” salienta Rodrigo Alberte Pivida, técnico do Servizo de Deportes do campus de Ourense. A competición enfrontará a equipos de baloncesto, balonmán, voleibol, fútbol sala e rugby 7, tanto masculinos coma femininos, e a equipos de fútbol 11 masculinos e fútbol 7 femininos.
“Durante os dous días de celebración primeiro enfrontaranse os equipos da Universidade de Vigo e Santiago de Compostela, por proximidade xeográfica, e os equipos gañadores enfrontaranse aos da Universidade da Coruña de cada modalidade” explica Pivida. Serán dous días de práctica do deporte, de intercambio de experiencias entre os equipos e de sa competición entre universitarios.
Campionato Intercampus 2011
Para chegar a este campionato autonómico, os equipos das diferentes modalidades da Universidade de Vigo teñen unha cita previa que superar. Nos Campionatos Galegos Universitarios só pode participar un equipo de cada modalidade deportiva por universidade que hai que escoller entre os que compiten en cada campus.Para elixir aos que finalmente acudirán, os días 2 e 3 de febreiro celebrarase en Vigo o Torneo Intercampus 2011, que reunirá aos campións das ligas de cada un dos tres campus da Universidade de Vigo. Os equipos gañadores en cada modalidade deste torneo serán os que representen á Universidade de Vigo o vindeiro 9 e 10 de febreiro fronte ás demais universidades galegas.
“Vamos paso a paso. Primeiro temos que enfrontar a cita da Intercampus, na que agardamos que os equipos do campus de Ourense teñan bos resultados, e logo chegará o momento de acoller en Ourense a celebración do Campionato Galego, que esperamos se desenvolva nun ambiente de competición moi positivo e motivador” salienta o técnico do Servizo de Deportes do campus de Ourense. Os partidos estarán abertos a todo o público que se queira achegar.