Diario da Universidade de Vigo
Esta fin de semana disputouse a última xornada da competición
Os equipos de xadrez do campus rematan a liga en terceiro e cuarto posto
O Universitario de Ourense A gañou en Mondariz a Ajedrez Marcote
Imaxe de arquivo dun dos encontros disputados esta tempada no campus
Este sábado os tres equipos de xadrez que representan ao campus de Ourense na liga galega de xadrez 2022 disputaron a última xornada desta competición. Tras os resultados acadados nos encontros celebrados o sábado, os representantes universitarios acadaron dous terceiros e un cuarto posto, resultados valorados positivamente desde o club.
O sábado o Universitario de Ourense A perdeu en Mondariz contra Ajedrez Marcote por un marcador final de 3-1, con táboas de Marcos Reza e Miguel Reza e derrotas de Diego Vidal e José Jaime González-Viso. Con este resultado, o primeiro equipo do campus rematou terceiro do seu grupo na primeira división da liga galega.
En segunda división, o Universitario de Ourense B visitou a Liceo de Ourense B, acadando un empate 2-2, con vitorias de Manuel Álvarez e Raúl Martínez e derrotas de José Manuel Novoa e Gabriel Alcalde Sosa. Con este resultado, este equipo remata cuarto a competición. Por último, en terceira división, o Universitario de Ourense C gañou na casa contra Liceo Carlos Casares 4-0, con vitorias de Rodrigo Arias, Nuel Vázquez, Sergio de Soto e Victor López. Tras acadar este marcador, o equipo remata a liga en terceiro lugar, empatado a puntos co segundo clasificado.