Organizada pola AGPTU, o Consello Social da Universidade e Novacaixagalicia
Os expertos debaterán sobre os retos da educación do século XXI
A xornada terá lugar entre os días 9 e 10 de xullo
Os cambios realizados na educación nos últimos tempos para adecuar o ensino ás novas tendencias fai que xurdan unha morea de cuestións arredor da eficacia de decisións coma a adaptación ao EEES, Espazo Europeo de Educación Superior, a introdución da aprendizaxe 3.0 ou a formación profesional como alternativa aos estudos universitarios. Co fin de dar resposta ás preguntas formuladas e marcar novos camiños a seguir no campo educativo, a AGPTU, Asociación Xeral de Profesores Titulares de Universidade, o Consello Social da Universidade e Novacaixagalicia organizan, por primeira vez, unha xornada de debate que xa rompeu ao alza as expectativas de participación dende o primeiro día de matrícula.
Con máis de trinta inscritos ás poucas horas de abrir o prazo de inscrición, a xornada O reto de adaptar a educación ao s. XXI acada o éxito “grazas a que o obxectivo desta primeira edición é facer un achegamento entre a Educación Secundaria Obrigatoria e a educación superior, que inclúe tanto a Formación Profesional como a ensinanza universitaria, sempre dende o debate e moi lonxe do que son as clases maxistrais” indica o director do curso e presidente da AGPTU en Vigo, Pedro Pablo Gallego. Por este motivo, o encontro está dirixido “a todo aquel que estea interesado na educación, independentemente da súa formación, xa que o que buscamos é intercambiar diferentes puntos de vista para cambiar unha situación crítica na que temos un alto índice de abandono escolar e moitos mozos e mozas sen cualificación e parados”, puntualiza.
Ademáis, e co fin de facer destas xornadas un punto de encontro dinámico e aberto tanto para os conferenciantes coma para o público, “todas as intervencións irán seguidas de mesas redondas de debate nas que se poderán expoñer as dúbidas, cuestións ou recomendacións xurdidas tras a intervención de cada poñente xa que o que buscamos son solucións a unha situación preocupante” aclara o director do curso.
Con máis de trinta inscritos ás poucas horas de abrir o prazo de inscrición, a xornada O reto de adaptar a educación ao s. XXI acada o éxito “grazas a que o obxectivo desta primeira edición é facer un achegamento entre a Educación Secundaria Obrigatoria e a educación superior, que inclúe tanto a Formación Profesional como a ensinanza universitaria, sempre dende o debate e moi lonxe do que son as clases maxistrais” indica o director do curso e presidente da AGPTU en Vigo, Pedro Pablo Gallego. Por este motivo, o encontro está dirixido “a todo aquel que estea interesado na educación, independentemente da súa formación, xa que o que buscamos é intercambiar diferentes puntos de vista para cambiar unha situación crítica na que temos un alto índice de abandono escolar e moitos mozos e mozas sen cualificación e parados”, puntualiza.
O debate entre expertos, a clave para o cambio
As xornadas divídense en cinco sesións nas que os conferenciantes, expertos nacionais e internacionais nos diferentes niveles educativos, abordarán temas relacionados tanto coa situación da educación na actualidade coma do seu futuro máis inmediato. A xestión do aprendizaxe, o acceso á universidade a través do ensino medio, a formación profesional, o peso de internet e o uso dos dispositivos móbiles coma vías alternativas ás clases presenciais, os efectos da adaptación ao EEES e os resultados da súa implantación, a educación a nivel internacional e a organización despolitizada da universidade para acadar unha ensinanza independente conforman o programa do curso.Ademáis, e co fin de facer destas xornadas un punto de encontro dinámico e aberto tanto para os conferenciantes coma para o público, “todas as intervencións irán seguidas de mesas redondas de debate nas que se poderán expoñer as dúbidas, cuestións ou recomendacións xurdidas tras a intervención de cada poñente xa que o que buscamos son solucións a unha situación preocupante” aclara o director do curso.