Segundo se desprende da tese de doutoramento de Danny Rojas
Os morcegos insectívoros son os máis madrugadores
O tipo de dieta é determinante para o seu horario de actividades
Os morcegos que se alimentan de insectos son os primeiros en abandonar as covas e fano para aproveitar o pico de actividade vespertino-crepuscular que teñen as especies que constitúen a base da súa comida. Pola contra, os morcegos que se alimentan de néctar, pole e froitas abandonan o seu refuxio moito máis tarde xa que as flores nocturnas e os froitos están dispoñibles durante toda a noite. Esta é unha das conclusións da tese de doutoramento de Danny Rojas, dirixida polo profesor Luis Navarro, e na que estuda as consecuencias evolutivas e ecolóxicas das interaccións morcego-planta no Caribe insular, especificamente a familia Phyllostomidae. Segundo os datos obtidos na súa investigación, o tipo de dieta condiciona o horario de actividade dos morcego.
Danny Rojas, nado en Cuba, leva anos traballando con Navarro, dende que en 2007 no marco do Programa Iberoamericano de Ciencia e Tecnoloxía para o Desenvolvemento comezou a traballar neste eido. Posteriormente, e ao abeiro do programa María Barbeito, desenvolveu a maior parte da súa investigación que deu como resultado a súa tese de doutoramento. Segundo explica, a finalidade deste traballo era analizar a diversificación nos hábitos de alimentación dos morcegos e avaliar que influenza puido ter o hábito trófico na evolución das familias.
O traballo de Danny Rojas insírese no grupo de investigación Divulgare, dirixido polo profesor Luis Navarro e, de acordo cos seus obxectivo trasferencia de coñecementos á sociedade poñendo a disposición da cidadanía a ciencia e os seus descubrimentos, desenvolveron un vídeo dispoñible en internet sobre a evolución da forma do cranio (http://vimeo.com/13547982). Tamén existe unha exposición fotográfica actualmente dispoñible no Centro de Interpretación do Parque Nacional das Illas Atlánticas de Galicia.
Danny Rojas, nado en Cuba, leva anos traballando con Navarro, dende que en 2007 no marco do Programa Iberoamericano de Ciencia e Tecnoloxía para o Desenvolvemento comezou a traballar neste eido. Posteriormente, e ao abeiro do programa María Barbeito, desenvolveu a maior parte da súa investigación que deu como resultado a súa tese de doutoramento. Segundo explica, a finalidade deste traballo era analizar a diversificación nos hábitos de alimentación dos morcegos e avaliar que influenza puido ter o hábito trófico na evolución das familias.
Básicos para o ecosistema
Cada especie é responsable e indispensable para manter o ecosistema no que vive. Unha pequena alteración pode causar unha serie de consecuencias que poden acabar por alterar irremediablemente o equilibrio da contorna. Rojas incide nas interaccións entre organismos e destaca o caso dos morcegos, “tradicionalmente pouco apreciados polos seus hábitos nocturnos, pero ofrecen exemplos interesantes e útiles para comprender como as relacións entre especies xeran biodiversidade”. A familia Phyllostomidae, exclusivos dos trópicos americanos e as illas do Caribe foron o eixo do estudo de Rojas, porque se trata dun grupo moi diverso que inclúe as únicas tres especies de morcegos vampiros que se coñecen, así como outras que, a diferenza da maioría, se alimentan de néctar, pole e froitos, en lugar de insectos. A través deles, na súa tese, analizou as consecuencias evolutivas e ecolóxicas das interaccións entre morcego e planta.De insectos a flores
O traballo do investigador desvelou tamén evidencias sólidas sobre o patrón de diversificación dos hábitos alimentarios dos morcegos filostómidos. “Os resultados indican que as adaptacións que permitiron a estas especies alimentarse de flores e froitos evolucionaron varias veces e de forma independente ao longo da historia evolutiva da familia, e sempre a partir de ancestros insectívoros”. Con esta información Rojas foi quen de resolver un debate que xa duraba un século sobre a orixe e evolución dos hábitos nectarívoros. Os resultado do seu traballo indican tamén que a velocidade á que evolucionan as especies é maior canto máis dependen estas especies dos froitos como fonte de alimento.A dieta e do tamaño do cerebro
Outros dos aspectos que abrangue a tese é a relación entre o tipo de dieta e evolución do tamaño do cerebro. Os estudos previos en morcegos suxiren que os cerebros máis grandes se asocian a dietas baseadas en flores ou froitos pero mediante innovadores métodos filoxenéticos comparativos onde se controla a masa corporal, o investigador demostrou “que a relación entre volume cerebral e hábitos de alimentación non segue o patrón descrito pola comunidade científica”. Rojas apunta a que en lugar disto, “a dieta non semella estar vinculada directamente co tamaño e os resultados demostran a importancia de estimar de maneira adecuada o efecto da historia evolutiva compartida entre especies, en estudos que exploran a relación de variables evolutivas e ecolóxicas”.Un novo índice para a conservación de hábitats
O traballo de Rojas complétase coa proposta dun novo índice, denominado SCENT, para a conservación de hábitats. “Foi testado con morcegos cavernícolas das Antillas Maiores, e baséase nas listas de especies por sitios, unha información que adoita estar facilmente dispoñible para a maioría de xestores e conservacionistas, e incorpora a singularidade evolutiva das especies e o seu grao de ameaza”, explica o investigador. Este índice emprega dúas métricas da teoría de redes complexas, as que se usan para analizar a propagación de epidemias, o tráfico aéreo ou o funcionamento de internet, que permiten incorporar procesos de translocación e intercambio de individuos entre poboacións, á hora de priorizar os lugares de conservación.O traballo de Danny Rojas insírese no grupo de investigación Divulgare, dirixido polo profesor Luis Navarro e, de acordo cos seus obxectivo trasferencia de coñecementos á sociedade poñendo a disposición da cidadanía a ciencia e os seus descubrimentos, desenvolveron un vídeo dispoñible en internet sobre a evolución da forma do cranio (http://vimeo.com/13547982). Tamén existe unha exposición fotográfica actualmente dispoñible no Centro de Interpretación do Parque Nacional das Illas Atlánticas de Galicia.