Xa está aberta a preinscrición
Os profesores aprenderán a facer blogs e wikis nun curso no campus
Terá lugar do 10 ao 19 de decembro
Os profesores interesados en coñecer as principais aplicacións educativas da denominada Web 2.0 poden preinscribirse nun curso de formación que se vai realizar sobre o tema ao longo do mes de decembro en horario de mañá no campus de Vigo.
Na actualidade a web está sufrindo unha profunda transformación e a nova Web 2.0 supón unha nova forma de deseñar, usar e pensar en Internet. Ao longo deste curso daranse a coñecer as principais características e posibilidades desta ferramenta, revisando exemplos de distintas aplicacións e analizando as posibilidades educativas que poden ter.
Ensinar aos asistentes a crear blogs e wikis, aplicacións que se poden integrar na actividade docente e que facilitan a aprendizaxe colaborativa, será un dos puntos fortes do programa. Trataranse dende o propio concepto de blog ou wiki ata as principais características e usos didácticos. Ademais os participantes terán a posibilidade de crear o seu propio blog e wiki.
Esta actividade inclúese dentro das accións formativas institucionais da Universidade para o ano 2008 e está organizada pola Vicerreitoría de Formación e Innovación Educativa e a súa Área de Innovación Educativa.
Todas as persoas interesadas en matricularse deberán entrar na Plataforma de Xestión Académica Bubela
Na actualidade a web está sufrindo unha profunda transformación e a nova Web 2.0 supón unha nova forma de deseñar, usar e pensar en Internet. Ao longo deste curso daranse a coñecer as principais características e posibilidades desta ferramenta, revisando exemplos de distintas aplicacións e analizando as posibilidades educativas que poden ter.
Ensinar aos asistentes a crear blogs e wikis, aplicacións que se poden integrar na actividade docente e que facilitan a aprendizaxe colaborativa, será un dos puntos fortes do programa. Trataranse dende o propio concepto de blog ou wiki ata as principais características e usos didácticos. Ademais os participantes terán a posibilidade de crear o seu propio blog e wiki.
Un curso presencial de 20 horas lectivas
O curso, de modalidade presencial e 20 horas lectivas, será impartido polo profesor do Departamento de Informática, Pedro Cuesta, e está dirixido a todos os profesores da Universidade. O período de matrícula está aberto ata o 12 de decembro, se ben o número de prazas está limitado a 20, que se irán cubrindo por rigorosa orde de presinscrición.Esta actividade inclúese dentro das accións formativas institucionais da Universidade para o ano 2008 e está organizada pola Vicerreitoría de Formación e Innovación Educativa e a súa Área de Innovación Educativa.
Todas as persoas interesadas en matricularse deberán entrar na Plataforma de Xestión Académica Bubela