Diario da Universidade de Vigo
Aprobaranse os estatutos da Cruno e o protocolo de gobernanza da Crusoe
Os reitores do noroeste peninsular reúnense en Vigo esta semana para fornecer as súas alianzas estratéxicas
Foto de familia da constitución da Crusoe en decembro
No mes de decembro botaron a andar dúas alianzas estratéxicas na procura de estreitar lazos entre as universidades do noroeste peninsular, e fixérono a través da constitución da Conferencia de Reitores das Universidades do Suroeste Europeo, Crusoe, e da Conferencia de Reitores do Noroeste de España, Cruno. Agora tócalles aos reitores comezar a establecer as bases destas alianzas, os seus estatutos e a súa organización interna e farano esta semana nunha xuntanza en Vigo.
A orde do día da xuntanza inclúe, por unha banda o debate e aprobación dos estatutos da Cruno e, por outra, no tocante á Crusoe, avanzarase no protocolo para a organización e gobernanza da rede de traballo. Ademais procederase ao nomeamento tamén do cargo de secretario xeral e executivo de ambas conferencias de reitores.
A obxectivo da Crusoe é a constitución e desenvolvemento dunha rede internacional que permita aplicar de maneira efectiva as políticas universitarias en materia de proxectos de investigación e desenvolvemento, de programas de internacionalización e de desenvolvemento social, conscientes da importancia da cooperación internacional como instrumento decisivo para favorecer a cohesión rexional europea e obter un maior impacto e retorno financeiro para as organizacións universitarias.
Por outra banda, os reitores das universidades de Galicia e Castela e León conforman a a Cruno, un organismo de presentación institucional de cooperación entre as 11 universidades do noroeste peninsular que ten como obxectivo contribuír á potenciación e mellora da educación superior a través da cooperación interuniversitaria e o diálogo entre as institucións académicas e os axentes sociais. Como presidente da Cruno exerce o reitor da Universidade de Vigo, Salustiano Mato.
Pola súa banda, a CRUNO oriéntase dun xeito máis preciso cara ao desenvolvemento de políticas universitarias en España, converténdose nun lugar común de encontro que permita levar a cabo unha postura unificada de temas de interese común para que sexan presentadas ante o Consejo de Universidades e a Conferencia de Rectores.
A orde do día da xuntanza inclúe, por unha banda o debate e aprobación dos estatutos da Cruno e, por outra, no tocante á Crusoe, avanzarase no protocolo para a organización e gobernanza da rede de traballo. Ademais procederase ao nomeamento tamén do cargo de secretario xeral e executivo de ambas conferencias de reitores.
Dúas alianzas estratéxicas
A Crusoe reúne a 18 universidades e institutos politécnicos que conforman a Macrorrexión de Rexións do Sudoeste Europeo (RESOE) que agrupa a Galicia, Castela e León e a rexión Norte de Portugal. Isto tradúcese en 275.000 estudantes baixo o paraugas da que foi a primeira macrorrexión creada no territorio ibérico e da que forman parte oito universidades de Castela e León, as tres de Galicia, tres de Portugal e catro centros politécnicos liderados polo Instituto de Bragança, presididos polo reitor da Universidade de Porto, José Carlos Marques dos Santos.A obxectivo da Crusoe é a constitución e desenvolvemento dunha rede internacional que permita aplicar de maneira efectiva as políticas universitarias en materia de proxectos de investigación e desenvolvemento, de programas de internacionalización e de desenvolvemento social, conscientes da importancia da cooperación internacional como instrumento decisivo para favorecer a cohesión rexional europea e obter un maior impacto e retorno financeiro para as organizacións universitarias.
Por outra banda, os reitores das universidades de Galicia e Castela e León conforman a a Cruno, un organismo de presentación institucional de cooperación entre as 11 universidades do noroeste peninsular que ten como obxectivo contribuír á potenciación e mellora da educación superior a través da cooperación interuniversitaria e o diálogo entre as institucións académicas e os axentes sociais. Como presidente da Cruno exerce o reitor da Universidade de Vigo, Salustiano Mato.
Primeiros pasos
Trala constitución de ambas conferencias de reitores, os seus membros acordaron delimitar as primeiras accións a desenvolver. No tocante á Crusoe, o primeiro paso é crear un marco lexislativo e desenvolver un plan estratéxico que recolla as capacidades e obxectivos das institucións académicas que será trasladado aos gobernos de España e Portugal e a diversas instancias europeas coa vista posta no programa Horizon 2020 que substituirá a partir de 2014 ao actual programa Marco de financiamento europeo. Neste sentido, o traballo céntrase en seis áreas temáticas: a auga, o sector primario, saúde, medio ambiente e enerxía, patrimonio material e inmaterial e cooperación.Pola súa banda, a CRUNO oriéntase dun xeito máis preciso cara ao desenvolvemento de políticas universitarias en España, converténdose nun lugar común de encontro que permita levar a cabo unha postura unificada de temas de interese común para que sexan presentadas ante o Consejo de Universidades e a Conferencia de Rectores.