Un percorrido pola historia do deseño pecha unha nova edición do 'Fálame do Teu'

Este xoves o alumnado do campus de Pontevedra tivo ocasión de contar coa presenza de Carlos Rolando, un dos deseñadores gráficos con maior percorrido profesional na publicidade nacional e internacional, que foi convidado para clausurar unha nova edición das xornadas Fálame do Teu 3.0. Rolando compartíu as súas experiencias profesionais a fronte de proxectos publicitarios para marcas como Eroski, Camper, Codorniu ou Evax, ademais de facer un percorrido pola evolución do deseño dende as tribus nómadas ata a era actual da tecnoloxía e da información.

Aínda que arxentino de nacemento, leva máis de 40 anos afincado en España e os ultimos anos de profesión tenos dedicado a analizar o impacto das novas tecnoloxías no mercado, estudando a función do deseño na sociedade posindustrial do coñecemento e realizando grandes achegas teóricas sobre o tema.

Zocas Novas chega a Pontevedra

A Asociación de Publicistas Creatividade Galega aproveitou a clausura das xornadas Fálame do Teu para inaugurar na Casa das Campás a exposición Zocas Novas, que aterra en Pontevedra despois de percorrer as cidades de Madrid, Barcelona e Vigo, cun total de 3000 visitas no seu haber. Coa finalidade de promocionar o traballo creativo feito en Galicia, a exposición amosa 50 visións desenfadadas sobre a zoca tradicional, creadas por representantes do mundo publicitario e acompañadas por case un centenar de anuncios realizados por deseñadores galegos. A mostra poderese poderase visitar en Pontevedra ata o 30 deste mes e do 12 ao 15 de decembro ficará no Auditorio do Pazo de Congresos de Ourense para rematar o traxecto o 4 de xaneiro de 2012 en A Coruña.