Diario da Universidade de Vigo
Esta semana celébranse as finais das ligas universitarias nas diferentes modalidades de deportes
Pontevedra xa ten representantes en voleibol e baloncesto para o Torneo Intercampus
Vigo terá os seus clasificados en quince días e Ourense continuará coas súas ligas ata o 9 de febrei
Os Barbitúricos de Fisioterapia venceron Los Apaches Peregrinos na final de voleibol
Nas semifinais de fútbol sala clasificáronse os Manzanillos e Los Ángeles de Pazfran
Esta semana dispútanse no campus de Pontevedra as finais das ligas universitarias de deportes colectivos, das que sairán os equipos representantes que participarán no Torneo Intercampus, que terá lugar o vindeiro 11 de febreiro. Hoxe xogáronse as finais de voleibol mixto e baloncesto masculino, nas que Os Barbitúricos e Os Sobriños do Tío Facundo, respectivamente, aseguraron a súa presenza no campionato universitario. Entre mañá e o vindeiro xoves xogaranse a súa clasificación os equipos finalistas de fútbol 7 masculino, fútbol sala masculino e balonmán masculino. Os representantes do campus de Vigo sairán tamén de fases finais que xa se están celebrando e que se prolongarán ata a semana que vén. Mentres, en Ourense, segundo a modalidade, seleccionaranse os mellor clasificados nas ligas universitarias ou realizaranse torneos polo sistema de copa, cun prazo máximo para celebrar os últimos partidos fixados para o 9 de febreiro.
Ao final da mañá tivo lugar no Pavillón Universitario o partido de baloncesto masculino entre Os Sobriños do Tío Facundo e Lost in Basket. O resultado final foi de 50-41 tantos a favor dos Sobriños do Tío Facundo, que se mantiveron por riba no marcador ao longo de todo o encontro. O partido só se igualou no terceiro cuarto, cando, a falta de tres minutos para o seu remate, os Lost in Basket puxéronse a tan só un punto de distancia co outro equipo. Con todo, Os Sobriños sentenciaron o partido cun último cuarto a favor que rematou cun 10-1.
Así mesmo, xogáronse hoxe as semifinais de fútbol sala, dous encontros consecutivos no Pavillón Universitario, cun claro vencedor en cada caso. No primeiro disputaron o seu pase á final Los Ángeles de Pazfran e Los Apaches Peregrinos. O partido rematou cun 9-3 a favor de Los Ángeles e cun xogador destacado, Jorge Fontán, que marcou 4 goles. Deseguido, foi a quenda dos Manzanillos e Lapiedra Team. Cun resultado final de 8-2, neste caso irán á final -que se celebrará o vindeiro mércores ás 12.00 horas- os Manzanillos.
Mañá xogaranse a súa clasificación para o campionato Intercampus na modalidade de fútbol 7 masculino Los Quetas e Isotopos da Xunqueira. E o xoves enfrontaranse na modalidade de balonmán masculino Los Apaches Peregrinos e Dirnk King Team.
Loureiro destacou tamén que “este ano houbo que adiantar as convocatorias das finais e o Intercampus porque se adiantou tamén a inscrición nos campionatos universitarios de España”. O Comité Español de Deporte Universitario vén de modificar o regulamento dos Campionatos de España de Deportes Colectivos, polo que a lista de equipos campións por universidade ten como data límite de inscrición o 15 de febreiro. Neste caso Galicia, por número de equipos e universidades, entraría na fase Interzonal, cuxa organización corresponde este ano ao País Vasco, Alicante, Zaragoza e Almería. Gustavo Loureiro cre que “aquí a Universidade de Vigo ten máis difícil a súa clasificación para o Campionato de España, posto que compite con outras quince”. Ademais, sinala que “os organizadores teñen vantaxes, pois ter que viaxar sempre é un atranco e algúns xogadores que están en equipos federados non son cedidos para estas competicións”. Con todo, lembra que o ano pasado o equipo de balonmán chegou á final do Interzonal en Bilbao, aínda que despois non se clasificou.
Un partido de voleibol igualado e un de baloncesto sentenciado no último cuarto
O primeiro dos encontros desta mañá, o de voleibol mixto congregou a partir das 11.00 horas no pavillón multiusos A Xunqueira a Los Apaches Peregrinos, unha formación de estudantes de distintas titulacións que viven na residencia A Peregrina, e a Barbitúricos, alumnos e alumnas de Fisioterapia. Aínda que todos coincidiron en apuntar que foi un partido moi axustado e que os dous equipos estiveron moi igualados no nivel de xogo, finalmente acadaron a vitoria os Barbitúricos, cun resultado de 2-0.Ao final da mañá tivo lugar no Pavillón Universitario o partido de baloncesto masculino entre Os Sobriños do Tío Facundo e Lost in Basket. O resultado final foi de 50-41 tantos a favor dos Sobriños do Tío Facundo, que se mantiveron por riba no marcador ao longo de todo o encontro. O partido só se igualou no terceiro cuarto, cando, a falta de tres minutos para o seu remate, os Lost in Basket puxéronse a tan só un punto de distancia co outro equipo. Con todo, Os Sobriños sentenciaron o partido cun último cuarto a favor que rematou cun 10-1.
Así mesmo, xogáronse hoxe as semifinais de fútbol sala, dous encontros consecutivos no Pavillón Universitario, cun claro vencedor en cada caso. No primeiro disputaron o seu pase á final Los Ángeles de Pazfran e Los Apaches Peregrinos. O partido rematou cun 9-3 a favor de Los Ángeles e cun xogador destacado, Jorge Fontán, que marcou 4 goles. Deseguido, foi a quenda dos Manzanillos e Lapiedra Team. Cun resultado final de 8-2, neste caso irán á final -que se celebrará o vindeiro mércores ás 12.00 horas- os Manzanillos.
Mañá xogaranse a súa clasificación para o campionato Intercampus na modalidade de fútbol 7 masculino Los Quetas e Isotopos da Xunqueira. E o xoves enfrontaranse na modalidade de balonmán masculino Los Apaches Peregrinos e Dirnk King Team.
Obxectivos postos no Campionato Galego de Ligas Universitarias
No Torneo Intercampus, que se celebrará o 11 de febreiro en Pontevedra, decidiranse os equipos das diferentes modalidades que representarán á Universidade de Vigo no Campionato Galego de Ligas Universitarias, que este ano terá lugar en Santiago de Compostela os días 24 e 25 de febreiro. Gustavo Loureiro, o técnico especialista en actividades deportivas do campus, confía en poder introducir algún equipo pontevedrés nesa competición e ve posibilidades sobre todo en baloncesto e balonmán. De forma xeral, pensa que a Universidade de Vigo ten moitas posibilidades de éxito neste campionato, pois lembra que “o ano pasado gañamos en 6 das 9 modalidades”.Loureiro destacou tamén que “este ano houbo que adiantar as convocatorias das finais e o Intercampus porque se adiantou tamén a inscrición nos campionatos universitarios de España”. O Comité Español de Deporte Universitario vén de modificar o regulamento dos Campionatos de España de Deportes Colectivos, polo que a lista de equipos campións por universidade ten como data límite de inscrición o 15 de febreiro. Neste caso Galicia, por número de equipos e universidades, entraría na fase Interzonal, cuxa organización corresponde este ano ao País Vasco, Alicante, Zaragoza e Almería. Gustavo Loureiro cre que “aquí a Universidade de Vigo ten máis difícil a súa clasificación para o Campionato de España, posto que compite con outras quince”. Ademais, sinala que “os organizadores teñen vantaxes, pois ter que viaxar sempre é un atranco e algúns xogadores que están en equipos federados non son cedidos para estas competicións”. Con todo, lembra que o ano pasado o equipo de balonmán chegou á final do Interzonal en Bilbao, aínda que despois non se clasificou.