Juan Carlos Santos, que formará parte do xurado do desfile, ofreceu un relatorio sobre o futuro da m
Preparado para que a pasarela Debut “sorprenda e emocione”
Este mércores alumnado de Esdemga mostrou as súas creacións para o proxecto en colaboración con Desi
Coa expectativa de que os estilismos presentados en Debut 2012 o “sorprendan e emocionen”, chegou a Pontevedra o consultor de tendencias Juan Carlos Santos, que mañá xoves decidirá cos demais membros do xurado, quen será o estudante gañador ou gañadora desta nova edición do desfile. Achegouse un día antes “do grande evento” para participar nas xornadas profesionais que Esdemga, Estudos Superiores en Deseño e Moda Téxtil de Galiza, organiza ao abeiro da pasarela para compartir co alumnado a súa visión sobre o futuro da moda, “que pasa pola asociación entre o fast-fashion e a artesanía”, destacou.
Como membro por primeira vez do tribunal que decidirá a colección gañadora de Debut 2012, Juan Carlos Santos confesou sentirse “moi ilusionado” de formar parte deste proxecto docente moi rico a nivel conceptual. “A moda ten que transmitir historias, ideas e actitudes á sociedade e precisamente a maior carencia das escolas de deseño que coñezo é a pouca base conceptual, pero cando souben da liña de Esdemga impresionoume o seu alto nivel”, sinalou o experto, de aí que sinta “unha especial curiosidade” polas coleccións que se presentarán mañá na pasarela. “O que busco son sensacións e ideas contadas a través de estilismos ben expresados plasticamente e que provoquen en min reflexións, que me movan internamente”, describiu Juan Carlos Santos para explicar como orientará a súa valoración de mañá.