Alberto Núñez Feijóo felicitou a Salustiano Mato pola consecuión de CEI
O presidente da Xunta confía en que Campus do Mar se converterá nun proxecto “diferenciador e competitivo”
O presidente da Xunta manifestou hoxe o apoio do executivo autonómico ao desenvolvemento do proxecto de Campus do Mar liderado pola Universidade de Vigo e que conta coa participación da USC e a UDC, o CSIC e o IEO, e expresou a súa confianza en que se converta nun proxecto “diferenciador e competitivo”. Así o resaltou na xuntanza que mantivo co reitor da Universidade de Vigo, Salustiano Mato, na que puxo en valor este proxecto e o potencial que ten para Galicia, dado o vínculo especial que esta ten co mar.
No encontro, Núñez Feijóo felicitou ao reitor polo recoñecemento que obtivo o Campus do Mar como Campus de Excelencia Internacional o pasado mes e outubro e salientou a importancia de que outras entidades como o CSIC ou o sector privado axuden a dar pulo a este proxecto, aínda que recoñeceu que, ao mesmo tempo, ha de ter capacidade de atraer recursos para autofinanciarse. Feijóo sinalou, ademais, que cómpre que o Campus do Mar “se acomode ao obxectivos e instrumentos” da Axencia de Innovación e ao propio Plan Galego de I+D elaborados pola Xunta, e se dote “dunha estrutura xurídica sui géneris”, que lle garanta “unha xestión eficiente e independente” da universidade.
O titular da Xunta subliñou o valor da unidade coa que se desenvolveu este proxecto e valorou moi positivamente que se sumasen esforzos e se traballase conxuntamente entre todas as partes implicadas e destacou que con este novo Campus de Excelencia Internacional o sistema universitario galego “se sitúa como referente internacional de calidade no eido da docencia e, moi particularmente no da investigación”.
No encontro, Núñez Feijóo felicitou ao reitor polo recoñecemento que obtivo o Campus do Mar como Campus de Excelencia Internacional o pasado mes e outubro e salientou a importancia de que outras entidades como o CSIC ou o sector privado axuden a dar pulo a este proxecto, aínda que recoñeceu que, ao mesmo tempo, ha de ter capacidade de atraer recursos para autofinanciarse. Feijóo sinalou, ademais, que cómpre que o Campus do Mar “se acomode ao obxectivos e instrumentos” da Axencia de Innovación e ao propio Plan Galego de I+D elaborados pola Xunta, e se dote “dunha estrutura xurídica sui géneris”, que lle garanta “unha xestión eficiente e independente” da universidade.
Apoio no eido internacional
Núñez Feijóo reiterou que a Xunta seguirá apoiando o Campus do Mar, non soamente no contexto do Sistema Universitario de Galicia senón, tamén, no eido internacional e, moi especialmente, no contexto da Macrorrexión. Neste sentido, avanzou que está prevista a creación dun grupo de traballo en materia de “educación, universidades e investigación”, no que poderán desenvolver proxectos as universidades pertencentes ás comunidades autónomas participantes na Macrorrexión, ademais da Comisión de coordinación e desenvolvemento rexional do norte de Portugal.O titular da Xunta subliñou o valor da unidade coa que se desenvolveu este proxecto e valorou moi positivamente que se sumasen esforzos e se traballase conxuntamente entre todas as partes implicadas e destacou que con este novo Campus de Excelencia Internacional o sistema universitario galego “se sitúa como referente internacional de calidade no eido da docencia e, moi particularmente no da investigación”.