Diario da Universidade de Vigo
Na versión primaveral do Ciclo Sonora 11
A primavera chega á Universidade a base de son e ritmo
Colectivo Oruga e El columpio asesino encheron o Vidal Bolaño
Colectivo Oruga abriu a xornada musical
El Columpio Asesino no escenario
O público achegouse ao Vidal Bolaño no peche da programación musical de primavera
Son, ritmo, xuventude e ambiente primaveral inundaron onte o Teatro Vidal Bolaño da Cidade Universitaria de Vigo. As actuacións dos grupos Colectivo Oruga e El columpio asesino inseridos no Ciclo Sonora 11, pecharon o apartado de música da programación cultural deseñada pola Vicerreitoría de Extensión Universitaria da Universidade de Vigo para o segundo cuadrimestre.
A xornada comezou coa música en directo do grupo vigués Colectivo Oruga que, coa interpretación vogal de Iago Martínez, fixo vibrar ao público coa súa aposta musical de bases electrónicas, guitarras e sintetizadores incluídos no seu traballo Too May Knobs (Matapadre, 2010).
Tras esta actuación subiron o escenario os cinco integrantes do grupo pamplonés El columpio Asesino. Esta banda inundou o auditorio cun estilo que vai dende o rock ao punk e onde priman as voces e o son sobre os arranxos electrónicos, tal e como demostran no seu último traballo Diamantes.
A selección dos grupos por parte da Universidade foi todo un acerto xa que ambos concertos tiveron unha grande aceptación entre un público que, de balde, puido gozar da música independente e non comercial da edición primaveral do Ciclo Sonora 11.
A xornada comezou coa música en directo do grupo vigués Colectivo Oruga que, coa interpretación vogal de Iago Martínez, fixo vibrar ao público coa súa aposta musical de bases electrónicas, guitarras e sintetizadores incluídos no seu traballo Too May Knobs (Matapadre, 2010).
Tras esta actuación subiron o escenario os cinco integrantes do grupo pamplonés El columpio Asesino. Esta banda inundou o auditorio cun estilo que vai dende o rock ao punk e onde priman as voces e o son sobre os arranxos electrónicos, tal e como demostran no seu último traballo Diamantes.
A selección dos grupos por parte da Universidade foi todo un acerto xa que ambos concertos tiveron unha grande aceptación entre un público que, de balde, puido gozar da música independente e non comercial da edición primaveral do Ciclo Sonora 11.