Diario da Universidade de Vigo
O servizo de Deportes organiza a 11ª edición do programa Delecer
A primavera trae experiencias de alta voltaxe
A oferta inclúe pontismo, parapente, paracaidismo, voo sen motor, bicicleta e multiaventura
Con dúas novidades e unha maior oferta de prazas o programa de actividades ao aire libre Delecer, chega á súa décimo primeira edición nesta primavera. O Servizo de Deportes ofrece unha ampla variedade de posibilidades que pasan por pontismo, parapente, paracaidismo e voo sen motor, ás que nesta edición se unen as rutas en bicicleta e a multiaventura.
A primeira destas actividades en botar a andar é o pontismo este próximo 19 de marzo, que terá continuación os próximos 9 de abril e 7 de maio. Deste xeito, téntanse ofrecer varias opcións con diferentes datas para que todos os interesados poidan participar deste programa que achega á comunidade universitaria actividades de “alta voltaxe”. Así, haberá catro grupos de paracaidismo, tres de pontismo e parapente, dous de multiaventura e roteiros en bici e un grupo para o voo sen motor.
Para as rutas en bicicleta haberá tamén dous grupos, 16 de abril e 29 de maio, e percorrerán a ecopista do río Minho, entre Valença e Monçao. O prezo varía entre os 11 e os 13 euros, sengundo se trate de membros da comunidade universitaria, usuarios da tarxeta TDU ou público en xeral.
No tocante ao paracaidismo, o Servizo de Deportes ten previstos catro grupos, 16 e 17 de abril e 21 e 22 de maio para unha actividade que se desenvolverá no Aeródromo de Palmeira, en Braga. O custo, entre 170 e 185 euros, inclúe o salto en tándem. Finalmente para o voo en motor, haberá un só grupo, o 28 de maio, que elevará o voo dende a Escola de Voo à Vela do Municipio de Mogadouros, en Portugal.
A primeira destas actividades en botar a andar é o pontismo este próximo 19 de marzo, que terá continuación os próximos 9 de abril e 7 de maio. Deste xeito, téntanse ofrecer varias opcións con diferentes datas para que todos os interesados poidan participar deste programa que achega á comunidade universitaria actividades de “alta voltaxe”. Así, haberá catro grupos de paracaidismo, tres de pontismo e parapente, dous de multiaventura e roteiros en bici e un grupo para o voo sen motor.
As estreas: bici e multiaventura
As dúas novidades para este cuadrimestre son para os menos arriscados con rutas en bici e multiaventura. Para esta última están previstos dous grupos, 2 de abril e 14 de maio, e a actividades desenvolveranse no Ecoparque de Marín, cun prezo de 15,50 euros.Para as rutas en bicicleta haberá tamén dous grupos, 16 de abril e 29 de maio, e percorrerán a ecopista do río Minho, entre Valença e Monçao. O prezo varía entre os 11 e os 13 euros, sengundo se trate de membros da comunidade universitaria, usuarios da tarxeta TDU ou público en xeral.
Os clásicos: pontismo, parapente, paracaidismo e voo sen motor
Repiten en Delecer as catro actividades con mellor acollida entre a comunidade universitaria, todas elas non aptas para os máis temerosos. Tras o pontismo, cun prezo entre os 23 e 30 euros, no que os matriculados saltarán dende a ponte sobre o río Miño en Arbo, será a quenda do parapente. Coa colaboración do Club Nortada, este actividade desenvolverase en Santa María do Oia en tres datas, 26 ou 27 de marzo, 2 ou 3 de abril e 30 ou 1 de maio. O prezo varía entre os 35 e 42 euros por persoa para o voo en parapente bipraza.No tocante ao paracaidismo, o Servizo de Deportes ten previstos catro grupos, 16 e 17 de abril e 21 e 22 de maio para unha actividade que se desenvolverá no Aeródromo de Palmeira, en Braga. O custo, entre 170 e 185 euros, inclúe o salto en tándem. Finalmente para o voo en motor, haberá un só grupo, o 28 de maio, que elevará o voo dende a Escola de Voo à Vela do Municipio de Mogadouros, en Portugal.