Diario da Universidade de Vigo
Organizado pola asociación de alumnos da ETSE de Minas
A terceira edición do certame de fotografía 'Mundo Mineiro' espalla os seus premios a nivel estatal
Excavadora de cables, Enerxía incandescente e Mineiros no volcán 2 son os títulos das tres imaxes gañadoras da terceira edición do certame de fotografía Mundo Mineiro, organizado pola sociedade que baixo o mesmo nome ten constituído o alumnado da ETS de Enxeñaría de Minas.
O primeiro premio, dotado con 400 euros en metálico e cunha cámara fotográfica, correspondeulle ao redondelán Ignacio Pérez, mentras que o segundo foi para Isaac Castro, natural de León, que recibiu, ademais de 300 euros, unha cámara fotográfica pola calidade da súa instantánea. O último dos galardóns, dotado con 100 euros, recibiuno o catalán Jesús García. Ademais dos correspondentes agasallos, a todos eles se lles fixo entrega dun trofeo que representa o logototipo da sociedade Mundo Mineiro. “Estamos moi satisfeitos porque conseguimos darlle ao concurso nivel estatal”, segundo palabras de Diego Casal, membro da sociedade Mundo Mineiro, que engade que “paralelamente, esta edición supuxo un incremento notable na calidade dos traballos presentados tanto dende o punto de vista técnico como dende a temática”.
Nesta ocasión o xurado estivo composto polo catedrático Enrique Orche, presidente da Sociedade Española para a Defensa do Patrimonio Xeolóxico e Mineiro, e por José María Lanaja, ex director da ETSE de Minas.
As corenta fotografías presentadas nesta terceira edición do concurso serán editadas conxuntamente nun catálogo que se lle enviará a cada un dos participantes, “grazas á escola, que nos ten ofrecido a súa colaboración”, apunta Casal.
O primeiro premio, dotado con 400 euros en metálico e cunha cámara fotográfica, correspondeulle ao redondelán Ignacio Pérez, mentras que o segundo foi para Isaac Castro, natural de León, que recibiu, ademais de 300 euros, unha cámara fotográfica pola calidade da súa instantánea. O último dos galardóns, dotado con 100 euros, recibiuno o catalán Jesús García. Ademais dos correspondentes agasallos, a todos eles se lles fixo entrega dun trofeo que representa o logototipo da sociedade Mundo Mineiro. “Estamos moi satisfeitos porque conseguimos darlle ao concurso nivel estatal”, segundo palabras de Diego Casal, membro da sociedade Mundo Mineiro, que engade que “paralelamente, esta edición supuxo un incremento notable na calidade dos traballos presentados tanto dende o punto de vista técnico como dende a temática”.
Nesta ocasión o xurado estivo composto polo catedrático Enrique Orche, presidente da Sociedade Española para a Defensa do Patrimonio Xeolóxico e Mineiro, e por José María Lanaja, ex director da ETSE de Minas.
As corenta fotografías presentadas nesta terceira edición do concurso serán editadas conxuntamente nun catálogo que se lle enviará a cada un dos participantes, “grazas á escola, que nos ten ofrecido a súa colaboración”, apunta Casal.