Esta fin de semana disputaron a sétima xornada da liga galega
Tres encontros e tres vitorias para os equipos de xadrez do campus
Desprazáronse a Pereiro de Aguiar e Salceda de Caselas
Os diferentes equipos do campus de Ourense que esta tempada participan na Liga Galega de Xadrez por equipos disputaron este sábado a sétima xornada de competición. En primeira división, o Universitario de Ourense A desprazouse ao polígono do Concello de Pereiro de Aguiar para xogar contra Xadrez Ourense C, ao que gañou por un marcador de 1,5-2,5 (con vitorias de Marcos Reza e Miguel Reza e táboas de Antonio Villar e derrota de Brais Gerpe). En segunda división, o Universitario de Ourense B xogou en Salceda de Caselas contra Xadrez Altamira, ao que gañou 0,5-3,5 (con vitorias de David Feijóo, Adrián González e José Jaime González Viso e táboas de Manuel Álvarez). Por último, e tamén en Pereiro de Aguiar, o Universitario de Ourense C gañou 1,5-2,5 a Xadrez Ourense E, con vitorias de Lino Hermida e Rodrigo Arias, táboas de Gabriel Alcalde e derrota de Álvaro Suárez.