En total, 282 traballadores elixirán aos 13 representantes do Comité de Empresa
Últimos días para presentar candidaturas para as eleccións sindicais do PAS laboral
Duvi | Vigo
O PAS laboral da provincia de Pontevedra está chamado ás urnas. O vindeiro 2 de decembro o Persoal Laboral de Administración e Servizos da Universidade de Vigo terá que elixir aos representantes sindicais que configurarán o Comité de Empresa. Tras a constitución das mesas electorais o pasado 3 de novembro, o luns 21 ás 12 horas remata o prazo para a presentación de candidaturas por parte dos sindicatos e das agrupacións de traballadores.
Tras as 24 horas que durará o período de reclamación, as listas definitivas proclamaranse o vindeiro 25 de novembro, momento no que comezará a campaña electoral. Sindicatos e agrupacións que se presenten para formar parte deste Comité de Empresa terán ata o día 30 de novembro as 00.00 horas para presentar o seu programa antes de dar paso á xornada de reflexión.
O novo comité que se conforme terá por diante retos como a negociación da nova relación de postos de traballo do PAS laboral ou do terceiro convenio colectivo do sector. O actual Comité de Empresa de Pontevedra está formado por ata cinco organizacións sindicais e agrupamentos de electores, onde Comisiones Obreras acadou a maior representación con 6 membros, seguido de CIG (con 3), UGT (2), CSI-CSIF (1) e o Grupo Independente (1).
O PAS laboral da provincia de Pontevedra está chamado ás urnas. O vindeiro 2 de decembro o Persoal Laboral de Administración e Servizos da Universidade de Vigo terá que elixir aos representantes sindicais que configurarán o Comité de Empresa. Tras a constitución das mesas electorais o pasado 3 de novembro, o luns 21 ás 12 horas remata o prazo para a presentación de candidaturas por parte dos sindicatos e das agrupacións de traballadores.
Tras as 24 horas que durará o período de reclamación, as listas definitivas proclamaranse o vindeiro 25 de novembro, momento no que comezará a campaña electoral. Sindicatos e agrupacións que se presenten para formar parte deste Comité de Empresa terán ata o día 30 de novembro as 00.00 horas para presentar o seu programa antes de dar paso á xornada de reflexión.
Tres colexios electorais
Nesta ocasión 282 traballadores terán que escoller aos 13 representantes do novo Comité de Empresa, catro deles no campo de Especialista e Non Cualificados e 9 no de técnico e administrativos. O PAS poderá facer efectivo o seu voto nos tres colexios electorais habilitados, un na sede universitaria en Torrecedeira, outro en Lagoas-Marcosende e outro no campus de Pontevedra.O novo comité que se conforme terá por diante retos como a negociación da nova relación de postos de traballo do PAS laboral ou do terceiro convenio colectivo do sector. O actual Comité de Empresa de Pontevedra está formado por ata cinco organizacións sindicais e agrupamentos de electores, onde Comisiones Obreras acadou a maior representación con 6 membros, seguido de CIG (con 3), UGT (2), CSI-CSIF (1) e o Grupo Independente (1).