Viaxou a Bolivia xunto a outros cinco expertos internacionais
A UNESCO bota man do profesor Enrique Orche para tentar salvar o Cerro Rico de Potosí
Fan fincapé en que é unha cidade cun grande atractivo turístico que non se está explotando
Os afundimentos que se están producindo no Cerro Rico de Potosí, un dos xacementos mineiros máis importantes de Bolivia, como consecuencia dunha explotación inadecuada e insostible, está poñendo en perigo a súa catalogación como Patrimonio Natural e Cultural da Humanidade, un título que lle fora outorgado en 1987. Co fin de achegar ideas e buscar unha solución a esta situación, a UNESCO formou unha comisión de seis profesionais de diferentes partes do mundo entre os que se atopa o catedrático da ETS de Enxeñaría de Minas Enrique Orche, apaixonado da minería colonial e profesor de longa traxectoria na participación en distintos proxectos de contido social.
Tras regresar da súa viaxe a Bolivia, o profesor explica no Duvi a súa participación nesta misión internacional que nace co obxectivo de salvar esta emblemática mina colonial da que saíu gran parte da prata remitida a España e que aínda sigue proporcionando xenerosamente os seus minerais de prata, escano e cobre.
Como lle describiría o Cerro Rico de Potosí a unha persoa que nunca oíu falar deste lugar?
O Cerro Rico é unha mina de prata que se leva explotando dende 1545, sendo o lugar de onde saíu gran parte da prata que chegou a España na época colonial. O Cerro atópase na cidade de Potosí, unha das grandes urbes de América no século XVII, cando alcanzou os 160.000 habitantes, a pesar de ser un lugar árido, seco e desolado. A importancia de Potosí e da súa prata reflíctese en que chegou a cambiar, xunto coa prata procedente de México, a orde económica europea e mundial xa que as moedas acuñadas con este mineral tiñan circulación internacional. Hoxe en día segue sendo un lugar emblemático, Patrimonio Natural e Cultural da Humanidade, título que está en perigo se non se logra mellorar a situación actual do Cerro.
E desa situación inicial de esplendor, como se chegou aos problemas que ten o Cerro na actualidade?
No Cerro Rico sempre houbo moita actividade mineira baseada na extracción de prata e cinc pero, tras a nacionalización da minería, comezaron a acudir á mina os pequenos mineiros pertencentes a grupos sociais moi pobres, que facían unha explotación rudimentaria, pouco tecnificada e en condicións de seguridade mínimas ou inexistentes. Isto comezou a ser un problema xa que o número de mineiros foi en aumento, sendo hoxe uns 15.000 os que explotan a mina a un ritmo insostible, o que fai que se produzan afundimentos na mina como o que sucedeu na cúspide, onde hai un cráter de 20 metros de anchura e 50 metros de profundidade.
Ante esta situación, que alternativas existen para mellorar as condicións deste lugar?
Para evitar o empeoramento da situación actual da mina de Potosí, a Unesco, baixo a petición do goberno boliviano, conformou un equipo de traballo de seis profesionais para que valorásemos a situación actual e elaborásemos un informe con alternativas posibles que permitan ao Cerro manter o título Patrimonio Natural e Cultural da Humanidade. Buscar unha solución implica que o Cerro se conserve e isto, a súa vez, implica actuar sobre a minería nunha situación social complicada.
Cales son as alternativas que se barallaron no informe que elaboraron para a UNESCO?
Tendo en conta tanto a situación do Cerro como a situación social, definimos dúas alternativas. Dunha banda, consideramos que se pode pechar o traballo na mina e deixala tal e como se atopa na actualidade ou, doutra banda, restaurar o Cerro e deixar que os mineiros sigan traballando de forma sostible e en mellores condicións de seguridade, cumprindo a lexislación existente para manter unha explotación sostible.
Tamén é certo que Potosí é unha cidade cun grande atractivo turístico que non se está explotando: varias igrexas coloniais, o maior edificio civil construído por España en Sudamérica, a Casa da Moeda e incluso un museo mineiro ou embalses artificiais, pero tan só reciben uns 50.000 turistas ao ano. Nesta actividade pódese encontrar unha alternativa á minería, tal e como reflectimos no informe.
Que supuxo para vostede formar parte desta comisión?
Ter agora a oportunidade, tras 500 anos de historia, de facer un estudo do Cerro Rico de Potosí e botar unha man para que esta mina que foi tan emblemática poida estar nunha mellor situación, é unha especie de satisfacción moral moi grande polo que espero que entre todos e coas medidas estipuladas no informe, logremos que o Cerro Rico manteña o título de Patrimonio Natural e Cultural da Humanidade.
Tras regresar da súa viaxe a Bolivia, o profesor explica no Duvi a súa participación nesta misión internacional que nace co obxectivo de salvar esta emblemática mina colonial da que saíu gran parte da prata remitida a España e que aínda sigue proporcionando xenerosamente os seus minerais de prata, escano e cobre.
Como lle describiría o Cerro Rico de Potosí a unha persoa que nunca oíu falar deste lugar?
O Cerro Rico é unha mina de prata que se leva explotando dende 1545, sendo o lugar de onde saíu gran parte da prata que chegou a España na época colonial. O Cerro atópase na cidade de Potosí, unha das grandes urbes de América no século XVII, cando alcanzou os 160.000 habitantes, a pesar de ser un lugar árido, seco e desolado. A importancia de Potosí e da súa prata reflíctese en que chegou a cambiar, xunto coa prata procedente de México, a orde económica europea e mundial xa que as moedas acuñadas con este mineral tiñan circulación internacional. Hoxe en día segue sendo un lugar emblemático, Patrimonio Natural e Cultural da Humanidade, título que está en perigo se non se logra mellorar a situación actual do Cerro.
E desa situación inicial de esplendor, como se chegou aos problemas que ten o Cerro na actualidade?
No Cerro Rico sempre houbo moita actividade mineira baseada na extracción de prata e cinc pero, tras a nacionalización da minería, comezaron a acudir á mina os pequenos mineiros pertencentes a grupos sociais moi pobres, que facían unha explotación rudimentaria, pouco tecnificada e en condicións de seguridade mínimas ou inexistentes. Isto comezou a ser un problema xa que o número de mineiros foi en aumento, sendo hoxe uns 15.000 os que explotan a mina a un ritmo insostible, o que fai que se produzan afundimentos na mina como o que sucedeu na cúspide, onde hai un cráter de 20 metros de anchura e 50 metros de profundidade.
Ante esta situación, que alternativas existen para mellorar as condicións deste lugar?
Para evitar o empeoramento da situación actual da mina de Potosí, a Unesco, baixo a petición do goberno boliviano, conformou un equipo de traballo de seis profesionais para que valorásemos a situación actual e elaborásemos un informe con alternativas posibles que permitan ao Cerro manter o título Patrimonio Natural e Cultural da Humanidade. Buscar unha solución implica que o Cerro se conserve e isto, a súa vez, implica actuar sobre a minería nunha situación social complicada.
Cales son as alternativas que se barallaron no informe que elaboraron para a UNESCO?
Tendo en conta tanto a situación do Cerro como a situación social, definimos dúas alternativas. Dunha banda, consideramos que se pode pechar o traballo na mina e deixala tal e como se atopa na actualidade ou, doutra banda, restaurar o Cerro e deixar que os mineiros sigan traballando de forma sostible e en mellores condicións de seguridade, cumprindo a lexislación existente para manter unha explotación sostible.
Tamén é certo que Potosí é unha cidade cun grande atractivo turístico que non se está explotando: varias igrexas coloniais, o maior edificio civil construído por España en Sudamérica, a Casa da Moeda e incluso un museo mineiro ou embalses artificiais, pero tan só reciben uns 50.000 turistas ao ano. Nesta actividade pódese encontrar unha alternativa á minería, tal e como reflectimos no informe.
Que supuxo para vostede formar parte desta comisión?
Ter agora a oportunidade, tras 500 anos de historia, de facer un estudo do Cerro Rico de Potosí e botar unha man para que esta mina que foi tan emblemática poida estar nunha mellor situación, é unha especie de satisfacción moral moi grande polo que espero que entre todos e coas medidas estipuladas no informe, logremos que o Cerro Rico manteña o título de Patrimonio Natural e Cultural da Humanidade.