O Consello de Goberno aproba as únicas medidas independentes da produción científica en España
Unha universidade pioneira en dispor de criterios propios para avaliar a produción de transferencia
Luz verde aos criterios de promoción ao corpo de catedráticos e aos de cómputo de carga docente bási
A Universidade de Vigo é desde hoxe a primeira de España en dispor de criterios de seu para avaliar a transferencia de coñecemento. Estes criterios aplicables aos méritos correspondentes aos anos 2009 e 2010, permitirán unha avaliación da transferencia independente da produción científica, o que os converte nos primeiros do seu xénero no panorama universitario español. “Ata o de agora unicamente se valoraban moi poucos indicadores, en realidade so as patentes”, explica o vicerreitor de Transferencia do Coñecemento, José Antonio Vilán, “esquecendo outros tan importantes como a facturación externa que pon de manifesto a transferencia que fai á sociedade”. Os criterios que o reitor da Universidade de Vigo, Salustiano Mato, cualificou como “un primeiro paso no recoñecemento do traballo do Persoal Docente e Investigador (PDI)”, foron aprobados por asentimento na sesión ordinaria de Consello de Goberno celebrada este luns e na que entre outros asuntos tamén se deu luz verde, aínda que con votos en contra, os criterios e procedemento de promoción ao corpo de catedráticos e os criterios de cómputo de carga docente básica en titulacións de grao.
Na sesión o reitor informou aos membros do Consello de Goberno das cifras de matricula de este curso no que se rexistraron 3619 ingresos nos primeiros cursos dos graos, o que supuxo un 91,4% de ocupación. Salustiano Mato que incidiu en que a institución “segue a achegarse ao punto de equilibrio entre oferta e demanda”, fixou en 22.744 o total de estudantes matriculados este curso 2011-2012 en todas as titulacións que se imparten na Universidade. O reitor tamén deu conta da sesión do Consello Galego de Universidades no que se aprobaron os criterios de reparto do 5% de financiamento estrutural, unha porcentaxe que o vicerreitor de Economía e Planificación, Xosé Manuel García, lembrou que chegará ao 20% no ano 2015 o que significa que “un terzo do financiamento do Sistema Universitario Galego será por resultados, que era a nosa aposta”.
Pola súa banda o vicerreitor de Alumnado, Docencia e Calidade, deu conta do proceso de seguimento das titulacións oficiais, confirmando o envío a Axencia de Calidade do Sistema Universitario Galego (ACSUG) dun total de 103 títulos de grao e mestrados. Barcia agradeceu o labor desenvolvido nos centros nun proceso, lembrou, “determinante para renovar a acreditacións das titulacións ofertadas”.
A proposta defendida polo equipo de Goberno topou co rexeitamento de Nova Universidade, cuxo líder, Jaime Cabeza, asegurou que con estes criterios “pasamos dun sistema de criterios obxectivos a un criterio continxente de número de prazas, polo que deixamos de ter un dereito”. Cabeza argumentou que a Universidade de Vigo está por debaixo da media de catedráticos das universidades españolas e demandou un “sistema obxectivo e non que o Consello de Goberno fixe un número de prazas”. Argumentos que primeiro o vicerreitor de Economía de Planificación e logo e reitor rexeitaron, asegurando Xosé Manuel García que “esta proposta é unha garantía para quen ten condicións para promocionar, un dereito que non se cercena”. Pola súa banda o reitor Salustiano Mato asegurou que “todo o mundo terá dereito pero en función da disponibilidade orzamentaria, xa que se se multiplica a demanda de prazas non é asumible”.
A aprobación dos criterios de cómputo de carga docente básica en titulacións de grao foi outro dos puntos para o debate no Consello de Goberno. Desta volta foron os parámetros empregados para o cómputo das horas totais de carga docente básica por grao o elemento de discordia entre o equipo de Goberno, membros de Nova Universidade e os representantes sindicais e algúns directores de centro. Mentres o reitor insistiu en que se trata de “parámetros axustados a unha universidade que aspira á calidade” e que “este é un documento vivo que vai evolucionar”, o representante da UGT do PDI de Pontevedra, Bienvenido Díez, demandou unha avaliación exacta do persoal necesario e un recoñecemento especial para actividades como os traballos fin de grao. Desde as filas de Nova Universidade, Jaime Cabeza felicitou á vicerreitora de Organización Académica, Profesorado e Titulacións, Margarita Estévez, pola iniciativa, pero demandou unha Relación de Postos de Traballo (RPT) de profesorado e tamén un cómputo específico da carga total de traballo máis alá do grao. Pola súa banda os directores das escolas de Enxeñaría e Minas e a directora de Telecomunicación demandaron unha modificación para as ensinanzas técnicas.
Na quenda de rogos e preguntas en resposta a cuestión formulada por Xoan Cebro representante da CIG na Xunta de Persoal Funcionario de Administración e Servizos, o vicerreitor de Economía confirmou que o inicio das obras de construción da escola infantil do campus de Vigo está pendente da licenza que debe outorgar o Concello de Vigo, unha vez aprobado o plan de cambio de uso e a súa posterior publicación no DOG.
Na sesión o reitor informou aos membros do Consello de Goberno das cifras de matricula de este curso no que se rexistraron 3619 ingresos nos primeiros cursos dos graos, o que supuxo un 91,4% de ocupación. Salustiano Mato que incidiu en que a institución “segue a achegarse ao punto de equilibrio entre oferta e demanda”, fixou en 22.744 o total de estudantes matriculados este curso 2011-2012 en todas as titulacións que se imparten na Universidade. O reitor tamén deu conta da sesión do Consello Galego de Universidades no que se aprobaron os criterios de reparto do 5% de financiamento estrutural, unha porcentaxe que o vicerreitor de Economía e Planificación, Xosé Manuel García, lembrou que chegará ao 20% no ano 2015 o que significa que “un terzo do financiamento do Sistema Universitario Galego será por resultados, que era a nosa aposta”.
Pola súa banda o vicerreitor de Alumnado, Docencia e Calidade, deu conta do proceso de seguimento das titulacións oficiais, confirmando o envío a Axencia de Calidade do Sistema Universitario Galego (ACSUG) dun total de 103 títulos de grao e mestrados. Barcia agradeceu o labor desenvolvido nos centros nun proceso, lembrou, “determinante para renovar a acreditacións das titulacións ofertadas”.
Valorización propia da transferencia do coñecemento
Coa finalidade de potenciar a actividade relacionada coa transferencia do coñecemento a Universidade elaborou uns criterios xerais que coinciden cos de produción científica e outros específicos que contemplan índices de produción entre os que están contemplados: os proxectos, as colaboracións e convenios con empresas; os contratos de licenza; a propiedade industrial; a creación de empresas de base tecnolóxica; os resultados da creación artística; a creación literaria; software libre e open source; as actividades de promoción e as de transferencia social, cultural e educativa. José Antonio Vilán que cuantificou en 65.000 euros o orzamento dispoñible no ano 2011 para o reparto de produción de transferencia correspondente aos anos 2009-2010, citou como referencias utilizadas para a confección dos índices, entre outros, a proposta de borrador de Estatuto del Personal Docente e Investigador de las Universidades Públicas Españolas; o cadernos técnicos da REedOTRI (CRUE); os Indicadores de Transferencia de Conocimiento do CSIC ou as leis 2/2011 de Economía Sostenible e 14/2011 de Ciencia, Tecnología e Innovación.Aprobados os criterios para a promoción a o corpo de catedráticos e o traballo fin de grao
Con 24 votos a favor, catro en contra e tres abstencións, o Consello de Goberno aprobou os criterios e procedementos de promoción ao corpo de catedráticos. A vicerreitora de Organización Académica, Profesorado e Titulacións, Margarita Estévez, explicou que a normativa que substitúe aos criterios aprobados no ano 2009 contempla a realización dunha convocatoria anual de promoción na que, en función da dispoñibilidade orzamentaria, o Consello de Goberno aprobará anualmente o número de novas prazas do corpo de catedráticos. “En canto aos criterios de priorización de áreas e solicitantes establécese un dobre criterio: pola composición da plantilla da área do solicitante e por méritos”, explicou Estévez que confirmou que a primeira convocatoria de promoción realizarase no mes de maior de 2012.A proposta defendida polo equipo de Goberno topou co rexeitamento de Nova Universidade, cuxo líder, Jaime Cabeza, asegurou que con estes criterios “pasamos dun sistema de criterios obxectivos a un criterio continxente de número de prazas, polo que deixamos de ter un dereito”. Cabeza argumentou que a Universidade de Vigo está por debaixo da media de catedráticos das universidades españolas e demandou un “sistema obxectivo e non que o Consello de Goberno fixe un número de prazas”. Argumentos que primeiro o vicerreitor de Economía de Planificación e logo e reitor rexeitaron, asegurando Xosé Manuel García que “esta proposta é unha garantía para quen ten condicións para promocionar, un dereito que non se cercena”. Pola súa banda o reitor Salustiano Mato asegurou que “todo o mundo terá dereito pero en función da disponibilidade orzamentaria, xa que se se multiplica a demanda de prazas non é asumible”.
A aprobación dos criterios de cómputo de carga docente básica en titulacións de grao foi outro dos puntos para o debate no Consello de Goberno. Desta volta foron os parámetros empregados para o cómputo das horas totais de carga docente básica por grao o elemento de discordia entre o equipo de Goberno, membros de Nova Universidade e os representantes sindicais e algúns directores de centro. Mentres o reitor insistiu en que se trata de “parámetros axustados a unha universidade que aspira á calidade” e que “este é un documento vivo que vai evolucionar”, o representante da UGT do PDI de Pontevedra, Bienvenido Díez, demandou unha avaliación exacta do persoal necesario e un recoñecemento especial para actividades como os traballos fin de grao. Desde as filas de Nova Universidade, Jaime Cabeza felicitou á vicerreitora de Organización Académica, Profesorado e Titulacións, Margarita Estévez, pola iniciativa, pero demandou unha Relación de Postos de Traballo (RPT) de profesorado e tamén un cómputo específico da carga total de traballo máis alá do grao. Pola súa banda os directores das escolas de Enxeñaría e Minas e a directora de Telecomunicación demandaron unha modificación para as ensinanzas técnicas.
Cooperación ao desenvolvemento cun código de conduta e escola infantil á espera de licenza
O Consello adheriuse ao Código de conducta de las universidades en materia de cooperación al desarrollo promovido pola Comisión de Cooperación al Desarrollo adscrita al CEURI-CRUE no ano 2005. Dividido en seis apartados e 31 artigos, o código representa a vontade das universidades que integran a CRUE de axeitar a cooperación universitaria ao desenvolvemento ás pautas que nel se establecen que teñen como obxectivo o fortalecemento dos sistemas universitarios e o fomento do acceso aos estudos universitarios. Unha finalidade á que se suma a da colaboración para superar as dificultades e contradicións asociadas aos procesos de erradicación da pobreza e de desenvolvemento, fomentando o avance en áreas de investigación axeitadas a estes obxectivos.Na quenda de rogos e preguntas en resposta a cuestión formulada por Xoan Cebro representante da CIG na Xunta de Persoal Funcionario de Administración e Servizos, o vicerreitor de Economía confirmou que o inicio das obras de construción da escola infantil do campus de Vigo está pendente da licenza que debe outorgar o Concello de Vigo, unha vez aprobado o plan de cambio de uso e a súa posterior publicación no DOG.