Presentarase ao abeiro do curso de Medios audiovisuais que acolle Celanova entre o 17 e o 19 deste m
Unha webserie con selo pontevedrés á espera de ver a luz
Realizada por estudantes do grao en Comunicación Audiovisual
“É un segredo. Non podemos adiantar nada. Teredes que agardar uns días para saber un pouco máis deste pequeno proxecto audiovisual”. Así de ilusionados e expectantes se amosan sete alumnos e alumnas do grao en Comunicación Audiovisual ao falaren da webserie que presentarán ao público no Curso de Medios Audiovisuais de Celanova (CeMAC) os días 17, 18 e19 de xullo. O profesor da Facultade de Ciencias Sociais e da Comunicación Paulino Pérez dirixe este obradoiro que se integra no propio curso que se celebrará en Celanova e no que tamén colabora a Fundación Carlos Casares.
Tres foron as propostas que os estudantes de Comunicación Audiovisual presentaron hai un par de semanas ante o director do obradoiro pero, finalmente, só un deses tres guións foi o elixido. A argumento desta pequena historia está gardado baixo chave e só verá a luz en Celanova pero, a uns días de comezar a gravación, xa teñen pechado o casting logo de seleccionar a catro actores e actrices da Escola Superior de Arte Dramático de Galicia. Nestes días, os estudantes achegáronse ata esta localidade ourensá para buscaren as localizacións e, aínda que o silencio é a resposta a moitas preguntas deixan entrever que é moi posible que o seu proxecto audiovisual teña como escenario principal unha casa rural da contorna. O vindeiro domingo 14 comezaran as gravacións desta webserie e o resultado poderá verse ao remate de cada unha das tres xornadas do curso no Auditorio Municipal Ilduara de Celanova (AMIC).
Dende o primeiro momento os rapaces e rapazas están a traballar coma profesionais. De feito, teñen un orzamento pechado que eles mesmos deben xestionar. Eu só me encargo da produción executiva”, salienta Paulino Pérez. De xeito paralelo á preprodución, os sete mozos e mozas están a traballar no deseño e implantación dunha campaña de marketing en liña na que as redes sociais terán un papel determinante. A maiores, a estrea da serie web tamén poderá seguirse a través do site de Uvigo TV. “Isto é un reto para todos e cada un deles”, destaca o director deste obradoiro, enmarcado no curso de verán Medios Audiovisuais, CeMAC 2013.
Segundo salienta, “nesta ocasión optouse por un programa variado que recolle a versatilidade do formato de longametraxe (ficción, animación ou documental) e, sobre todo, dos proxectos en liña. Uns formatos promovidos por creadores novos dispostos a irromper no mercado cambiando as estruturas dende a base con parámetros low cost”. Ademais, con filmes como O Apóstolo ou Arraianos como fío conductor, os asistentes poderán achegarse as diferentes modalidades audiovisuais contando nos debates e nas mesas redondas con representantes o sector tan coñecidos como os actores Luis Tosar, Miguel de Lira ou Camila Bossa o escritor Diego Ameixeiras, os directores Fernando Cortizo, Héctor Carré ou a escritora e directora, Margarita Ledo. A comunidade universitaria é o público obxectivo destas xornadas divulgativas que tamén están abertas a calquera persoa que desexe realizar unha diagnose sobre o estado actual do audiovisual do país.
Tres foron as propostas que os estudantes de Comunicación Audiovisual presentaron hai un par de semanas ante o director do obradoiro pero, finalmente, só un deses tres guións foi o elixido. A argumento desta pequena historia está gardado baixo chave e só verá a luz en Celanova pero, a uns días de comezar a gravación, xa teñen pechado o casting logo de seleccionar a catro actores e actrices da Escola Superior de Arte Dramático de Galicia. Nestes días, os estudantes achegáronse ata esta localidade ourensá para buscaren as localizacións e, aínda que o silencio é a resposta a moitas preguntas deixan entrever que é moi posible que o seu proxecto audiovisual teña como escenario principal unha casa rural da contorna. O vindeiro domingo 14 comezaran as gravacións desta webserie e o resultado poderá verse ao remate de cada unha das tres xornadas do curso no Auditorio Municipal Ilduara de Celanova (AMIC).
Dende o primeiro momento os rapaces e rapazas están a traballar coma profesionais. De feito, teñen un orzamento pechado que eles mesmos deben xestionar. Eu só me encargo da produción executiva”, salienta Paulino Pérez. De xeito paralelo á preprodución, os sete mozos e mozas están a traballar no deseño e implantación dunha campaña de marketing en liña na que as redes sociais terán un papel determinante. A maiores, a estrea da serie web tamén poderá seguirse a través do site de Uvigo TV. “Isto é un reto para todos e cada un deles”, destaca o director deste obradoiro, enmarcado no curso de verán Medios Audiovisuais, CeMAC 2013.
Luis Tosar e Miguel de Lira, entre os poñentes
A décima edición do CeMAC 2013, dirixido polo profesor da Facultade de Ciencias Sociais e da Comunicación Miguel Anxo Fernández ten como eixo central o audiovisual galego, o seu presente cambiante e as súas alternativas de futuro e persegue “unha reflexión de como o audiovisual galego debe procurar alternativas de futuro dende a base de que, ao mesmo tempo que a industria, a creación é a correa transmisora dos sinais de identidade propia, servidos con talento, como se constata a través dos produto e dos creadores presentes neste curso”, explica o docente e crítico de cine.Segundo salienta, “nesta ocasión optouse por un programa variado que recolle a versatilidade do formato de longametraxe (ficción, animación ou documental) e, sobre todo, dos proxectos en liña. Uns formatos promovidos por creadores novos dispostos a irromper no mercado cambiando as estruturas dende a base con parámetros low cost”. Ademais, con filmes como O Apóstolo ou Arraianos como fío conductor, os asistentes poderán achegarse as diferentes modalidades audiovisuais contando nos debates e nas mesas redondas con representantes o sector tan coñecidos como os actores Luis Tosar, Miguel de Lira ou Camila Bossa o escritor Diego Ameixeiras, os directores Fernando Cortizo, Héctor Carré ou a escritora e directora, Margarita Ledo. A comunidade universitaria é o público obxectivo destas xornadas divulgativas que tamén están abertas a calquera persoa que desexe realizar unha diagnose sobre o estado actual do audiovisual do país.