Diario da Universidade de Vigo
Cándido Conde-Pumpido abre o curso na Facultade de Ciencias Xurídicas e do Traballo
O fiscal xeral do Estado reta aos novos estudantes de Dereito a xerar a revolución xurídica do século XXI
Visitou tamén a Reitoría, onde asinou no Libro de Honra da Universidade
O reitor, Salustiano Mato, con Cándido Conde-Pumpido e a decana de Ciencias Xurídicas e do Traballo, Ana Pita
O fiscal xeral do Estado reta aos novos estudantes de Dereito a xerar a revolución xurídica do século XXI
Conde-Pumpido asinou no libro de honra da Universidade de Vigo
O fiscal xeral do Estado, Cándido Conde-Pumpido, retou este xoves aos novos estudantes de Dereito a “reanudar e renovar o esforzar intelectual que ha de xerar, nas zonas aínda inexploradas da globalidade, a revolución xurídica do século XXI”. Fíxoo no transcurso do acto de apertura de curso da Facultade de Ciencias Xurídicas e do Traballo, onde estivo acompañado polo reitor, Salustiano Mato, e a decana da facultade, Ana Mª Pita Grandal, ademais de por numerosas autoridades do ámbito xudicial e político.
Foi unha primeira clase da man dun profesor de excepción, como subliñou a decana do centro, que resumiu aos novos estudantes da facultade, “que agora vos iniciades na profesión”, o denso currículo dun galego “cuxa labor xurídica está fóra de toda dúbida”. Referíndose á Universidade como unha “auténtica fábrica de futuro”, o máximo representante do Ministerio Público manifestou o seu convencemento de que a universidade é un deses ámbitos aos que “deberiamos mirar con máis frecuencia e máis de preto”, subliñou, en relación ao feito de que na sociedade actual nos preocupamos e nos ocupamos tanto en resolver os problemas de hoxe que nos esquecemos con frecuencia de traballar mirando ao futuro, para que eses mesmos problemas non se repitan.
Ao longo desta “clase maxistral” sobre o novo papel do Dereito na sociedade, o fiscal xeral do Estado reivindicou tamén a necesidade de dar forza ao proxecto de creación dunha Fiscalía Europea que “poida comezar a funcionar antes de que quedemos sen intereses económicos e financeiros que defender”. Lembrou o traballo realizado para que este tema se introducira na axenda da presidencia semestral española, onde, pese a lograrse certos éxitos, non se avanzou todo o desexado.
Se a colaboración a nivel europeo resulta, a xuízo do maxistrado, fundamental, “como xa puidemos comprobar no ámbito do terrorismo, onde o traballo conxunto de España-Francia tivo unha efectividade evidente”, tamén destacou o camiño recorrido neste terreo cos países iberoamericanos.
Eixe tamén da súa intervención foi a necesidade de “renovar as ferramentas” coas que traballan os xuristas. Mencionou a última reforma do Código Penal e insistiu na necesidade de modificar tamén o sistema procesal, “un modelo implantado polo noso paisano Montero Ríos e por Alonso Martínez fai cento corenta anos”.
Foi unha primeira clase da man dun profesor de excepción, como subliñou a decana do centro, que resumiu aos novos estudantes da facultade, “que agora vos iniciades na profesión”, o denso currículo dun galego “cuxa labor xurídica está fóra de toda dúbida”. Referíndose á Universidade como unha “auténtica fábrica de futuro”, o máximo representante do Ministerio Público manifestou o seu convencemento de que a universidade é un deses ámbitos aos que “deberiamos mirar con máis frecuencia e máis de preto”, subliñou, en relación ao feito de que na sociedade actual nos preocupamos e nos ocupamos tanto en resolver os problemas de hoxe que nos esquecemos con frecuencia de traballar mirando ao futuro, para que eses mesmos problemas non se repitan.
Fiscalía Europa e reforma procesal, novos retos para un mundo global
A distancia entre o mundo xurídico universitario e os chamados xuristas prácticos foi outro dos aspectos, “mal entendidos e peor aproveitados”, no que Conde Pumpido insistiu aos novos alumnos e alumnas que deben superar, xa que o “o avance social esixe a complementariedade entre o coñecemento e as súas aplicacións prácticas”.Ao longo desta “clase maxistral” sobre o novo papel do Dereito na sociedade, o fiscal xeral do Estado reivindicou tamén a necesidade de dar forza ao proxecto de creación dunha Fiscalía Europea que “poida comezar a funcionar antes de que quedemos sen intereses económicos e financeiros que defender”. Lembrou o traballo realizado para que este tema se introducira na axenda da presidencia semestral española, onde, pese a lograrse certos éxitos, non se avanzou todo o desexado.
Se a colaboración a nivel europeo resulta, a xuízo do maxistrado, fundamental, “como xa puidemos comprobar no ámbito do terrorismo, onde o traballo conxunto de España-Francia tivo unha efectividade evidente”, tamén destacou o camiño recorrido neste terreo cos países iberoamericanos.
Eixe tamén da súa intervención foi a necesidade de “renovar as ferramentas” coas que traballan os xuristas. Mencionou a última reforma do Código Penal e insistiu na necesidade de modificar tamén o sistema procesal, “un modelo implantado polo noso paisano Montero Ríos e por Alonso Martínez fai cento corenta anos”.