Diario da Universidade de Vigo
Acadaron dúas vitorias e un empate
Os bos resultados acompañaron os equipos de xadrez do campus na cuarta xornada de liga
Os encontros disputáronse a fin de semana no Edificio de Ferro
Foto de grupo do club Universitario de Ourense nos encontros disputados esta fin de semana
O tres equipos do campus xogaron esta fin de semana nas instalacións universitarias
Esta tempada o campus conta con tres equipos na Liga Galega de Xadrez por equipos
Os diferentes equipos do campus de Ourense que esta tempada participan na Liga Galega de Xadrez por equipos disputaron este sábado a cuarta xornada de competición. En primeira división, o Universitario de Ourense A gañou no Edificio de Ferro do campus a Club Xadrez Mos A por 3-1, con victorias de Miguel Reza e Brais Gerpe e táboas de Antonio Villar e Marcos Reza. En segunda división, o Universitario de Ourense B empatou tamén na casa contra Benchoshey Fischer por un marcador de 2-2, con vitorias de Manuel Álvarez e Adrián González e derrotas de José Luis Fernández e José Javier Lamas. Por último, o Universitario de Ourense C gañou, tamén na casa, contra Xadrez As Burgas por un marcador final de 2,5-1,5, con vitorias de Lino Hermida e Rodrigo Arias, táboas de Sergio de Soto e derrota de Raúl Martínez.