A Escola de Enxeñaría de Telecomunicación da Universidade de Vigo e a empresa Qualcomm Technologies, Inc. anunciaron este luns a posta en marcha dun acordo de colaboración que lle facilitará o acceso ao alumnado do centro a cursos de formación e certificación en 5G.
O vicerreitor de Planificación e Sostibilidade e a responsable da Oficina de Medio Ambiente mantiveron recentemente unha reunión coa vicepresidenta segunda e conselleira de Medio Ambiente, Territorio e Vivenda da Xunta de Galicia na que estudaron a elaboración dun plan de refuxios climáticos en Galicia.
O reitor da Universidade de Vigo, Manuel Reigosa, e o vicerreitor de Planificación e Sostibilidade, José Luis Míguez Tabarés, mantiveron este xoves unha xuntanza de traballo co alcalde de Vigo, Abel Caballero, na sede da Alcaldía.
Ao longo deste curso académico as actividades de divulgación científica da Universidade de Vigo espallaranse polos tres campus para implicar á cidadanía no traballo dos grupos de investigación da institución e visibilizar como as distintas liñas científicas tratan de responder ás necesidades da sociedade.
O Máster en Enxeñaría Industrial, titulación que habilita para o exercicio da profesión de enxeñeira e enxeñeiro industrial, acaba de renovar o prestixioso selo internacional ABET concedido pola Accreditation Board for Engineering and Technology, organización estadounidense sen ánimo de lucro.
A Universidade de VIgo porá en marcha un programa de formación para o profesorado novel que terá unha duración de dous cursos académicos 2023-2025. Este foi un dos temas aprobados este luns na sesión ordinario do Consello de Goberno na que tamén se deu o visto bo ao límite máximo de 240 horas anuais de dedicación docente e á normativa para implantar a partir dos próximo curso os Programas Académicos con Percorridos Sucesivos no eido da enxeñaría.
O persoal investigador do Centro de Investigación Mariña da Universidade de Vigo (CIM) volverá á rúa para achegar a investigación mariña que se desenvolve nos seus laboratorios a toda a cidadanía. E farao dun xeito lúdico e apto para todas as idades os vindeiros 17 e 18 de novembro a través das súas Xornadas de Portas Abertas.
Máis dun cento de estudantes de bacharelato tecnolóxico de diferentes centros da comunidade galega e do Programa de Maiores da UVigo participaron este venres na Xornada de Portas Abertas CINTECX 2023.
O terceiro informe do Observatorio Stop Machitroles constata que a contorna virtual non é segura para as mulleres e as nenas e amosa que os ataques en liña contra elas son cada vez máis visibles e coordinados, máis sofisticados, daniños e perigosos.
A Universidade de Vigo está a participar esta semana en Brasil nunha nova edición da feira Estudar en España co obxectivo de presentar ao alumnado deste país as súas titulacións e atraer estudantes internacionais, ao tempo que se traballa para reforzar a colaboración e a presenza da UVigo neste país.
Ecobas, o centro de investigación interuniversitario en ciencias sociais, celebrou este mércores a súa reunión anual coa participación de persoal investigador das tres universidades públicas galegas, investigadoras e investigadores unidos nun proxecto común “moi positivo para o país”.
O proxecto de divulgación científica Desafíos do Océano: científicas ao mando, promovido polo Campus do Mar, foi seleccionado como exemplo dentro do catálogo La excelencia y la innovación en la divulgación científica. Selección de proyectos de la Convocatoria de Ayudas para el fomento de la cultura científica, tecnológica y de la innovación 2020 da Fundación Española para la Ciencia y la Tencología (FECYT).
A Xunta de Galicia destinará, por primeira este ano, 360.000 euros á colaboración coas tres universidades públicas galegas para o fomento da cultura emprendedora entre o alumnado universitario. Así o anunciou este martes a conselleira de Promoción do Emprego e Igualdade, Elena Rivo, na Universidade de Vigo.
A Universidade de Vigo e a Unión de Cooperativas Agaca presentaron este martes en Santiago a base de datos SAVES (Sistema de Asistencia Virtual para o Cooperativismo e a Economía Social), unha ferramenta que permite consultar e comparar de forma sinxela e rápida datos socioeconómicos que as cooperativas galegas entregan a diversas fontes oficiais.
“Nunca tivemos máis tecnoloxía disruptiva dispoñible ca neste momento”, destacaba o director xeral de Telefónica Norte, Manuel Angel Alonso, no II Encontro Ágora da Cátedra Telefónica-UVigo, “pero esa tecnoloxía precisa talento para ser explotada e a xeración dese talento é un dos grandes retos que temos como sociedade”.