A principios do ano 2016, o Grupo de Estudos de Arqueoloxía, Antigüidade e Territorio Geaat, da Universidade de Vigo, puxo en marcha o Proxecto Sancti Salvatoris co obxectivo de estudar e valorizar un xacemento altomedieval situado nas inmediacións da aldea de San Salvador dos Penedos, en Allariz, e coñecido como Castelo de Mouresiños ou Castelo do Malpaso. Tras dúas campañas de traballo nel, os días 4 e 5 de maio a Facultade de Historia do campus de Ourense acollerá un Simposio Internacional de Arqueoloxía Medieval que permitirá dar a coñecer este traballo e avanzar coas achegas de diferentes expertas e expertos.
19/04/2018