“Seguro que vos pasou algunha vez. Na mesa, nunha reunión familiar, coas colegas, de noite, de festa… E iso da educación social… Que é?”. Con esta escena arranca a publicación Educación social: a guía definitiva para explicar a profesión á túa familia e amigas, presentada este xoves no campus de Ourense. Nela explícase á cidadanía, dun xeito ameno e visual, que é e que fai un educador ou educadora social co obxectivo último de visibilizar e valorizar esta profesión.
17/12/2020