O curso 2012/2013 xa está na súa recta final. Unha vez rematadas as clases e os primeiros exames é momento de que os diferentes servizos que traballan para a comunidade universitaria fagan balance deste ano académico. Entre eles está a Área de Deporte e Saúde do campus de Ourense, que durante este curso atendeu máis de 500 consultas de medicina deportiva, fisioterapia e exercicio físico personalizado, ademais de contar cun centenar de participantes no seu programa Ponte en Forma. “Temos unha boa base que se vai consolidando co paso dos anos e que nos aproxima máis ao noso obxectivo de chegar ata o 100% das persoas que practican actividade física no campus, sexa no ximnasio, nos roteiros, nas escolas deportivas, etc.”, destaca Guillermo Santos, coordinador da área.
06/06/2013