Tras unha etapa de liberdade durante a II República na que as mulleres deron grandes pasos cara a igualdade, chegaron os anos escuros da Guerra Civil e do franquismo. O futuro auguraba unha volta á casa, unha vida rexida pola relixión e toda unha xeración debería renunciar a esas conquistas e converterse, como as súas nais e avoas, en amas de casa. Por iso non dubidaron en loitar, non só na retagarda, senón na fronte, collendo o fusil ou a pistola e loitando por defender a lexitimidade republicana. A súa implicación, máis aló de seren viúvas, orfas e familiares de presos, é a que recolle o documental de Susana Koska, Mujeres en pie de guerra, co que se abriu o ciclo O persoal e o político: documentando a loita das mulleres pola igualdade.
17/10/2011