Non teñen nome nin data, pero a partir do vindeiro venres, setecentas camisolas quedarán nos hospitais das sete principais cidades galegas esperando ás primeiras persoas que se convertan en doadores de medula ósea. Chegarán da man de David Gil, un licenciado en Ciencias da Actividade Física e do Deporte que con esta iniciativa persoal quere fomentar este acto solidario a través do deporte. Na preparación deste pequeno gran proxecto botou man de todos os seus contactos que, como pequenos grans de area, impulsan, dunha maneira ou doutra, o seu obxectivo. Entre eles, o Servizo de Deportes da Universidade, onde Gil traballou e que a través da súa páxina web axuda na difusión entre a comunidade universitaria de 700 camisetas contra la leucemia.
10/06/2009