Era dos que xuraba que unha vez rematada a universidade non volvería pisar as aulas e, e nun par de anos, celebrará o seu vinte aniversario coma docente na ETSE de Telecomunicación, os seis últimos coma director do centro, cargo que abandonará o vindeiro 1 de marzo. José María Pousada (Marín, 1960) fai balance no Duvi da súa etapa como director e debuxa o panorama que se lle presenta a escola para os vindeiros anos, onde o principal reto será, coma no resto das enxeñarías, sacar adíante as novas titulacións e implantar as reformas que propón o Plan Boloña.
A escola que dirixe botou a andar no curso 85/86 da man do catedrático Anibal Figueiras, nun intre no que as empresas se pelexaban polos enxeñeiros en telecomunicación. Dende entón pasaron polo seu cargo o ex-reitor, Domingo Docampo, ou profesores coma Pepe Santos e Antonio Pena. Na rúa hai xa máis de 2200 titulados que saíron das súas aulas.
06/02/2009