Habitualmente as actividades promovidas polo Servizo de Deportes teñen unha boa acollida entre a comunidade universitaria do campus, pero hai unha que este curso está desbordando expectativas: o programa En Boa Forma. Desde que se iniciou á volta do Nadal van xa 44 usuarios, dos que 16 son mulleres e 28 homes. Ademais, o 80% dos usuarios son estudantes, mentres que só un 20% son PDI ou PAS. O coordinador do programa, Rubén Núñez Andrade, licenciado en Ciencias da Actividade Física e do Deporte, ten claras as claves dese éxito: “creo que radica no servizo conxunto que ofrecemos, cunha revisión médica e un adestramento personalizado, ademais da flexibilidade de horarios”.
15/03/2010