María José Martínez Patiño, profesora na Facultade de CC da Actividade Física e do Deporte e directora do Centro de Estudos Olímpicos da Universidade de Vigo, vén de ser nomeada membro da Academia Olímpica, o que a converte na única muller galega con esta distinción. Desde este novo cargo espera achegarlle á Universidade unha experiencia deportiva fraguada ao longo de moitos anos, que inclúe estancias na prestixiosa residencia Blume e en Rusia, para contribuír á difusión social dos valores olímpicos. Neste sentido considera que en Galicia queda moito traballo por facer, sobre todo no camiño de achegar o deporte ao ámbito rural, onde asegura que estarán os éxitos futuros do deporte galego, en particular do feminino.
22/12/2009