O Reitor, Alberto Gago, rompeu este mércores unha lanza a favor dos deportistas universitarios coa entrega das insignias de ouro da institución ao triatleta Javier Gómez Noya e o iudoka Miguel Romero, a Universidade desmárcase así do escaso recoñecemento que tradicionalmente fai a universidade española a este tipo de deportistas. Estudantes da Facultade de Ciencias da Educación e do Deporte, Javier Gómez Noya é gañador da Copa do Mundo de Triatlón 2006 e 2007 e Miguel Romero gañou 6 medallas de ouro obtidas en distintas edicións dos Campionatos de España Universitarios e representou á Universidade na Universiada de Bangkok 2007. “Admiramos moito o que facedes, como competides e os resultados que alcanzades. Isto non sempre está valorado pero, podedes estar seguros de que desde aquí si que o estades”, afirmou o Reitor.
31/10/2007