A quinta edición do Festival Internacional da Lusofonía, Cantos na Maré (CNM), abriu a súa programación coa actividade CNM Documental, froito da creación dun programa de achegamento dirixido ao tecido social, mocidade, universitarios e profesionais, durante os días anteriores ao espectáculo que terá lugar o sábado 15 de decembro. Esta primeira iniciativa, que se desenvolveu na sede da vicerreitoría do campus de Pontevedra, consistiu na proxección en aberto de dous documentais que amosan en imaxe o desenvolvemento musical e cultural de distintos territorios da lusofonía.
12/12/2007