Que fai Microsoft contratando arqueólogos? Esta é a inesperada pregunta que serve de arranque á exposición 'Arqueoloxía dixital galega', a mostra que pode visitarse no edificio Redeiras ata o 17 de setembro. Comisariada por Óscar Penín, investigador do GEAAT , o Grupo de Estudos de Arqueoloxía, Antigüidade e Territorio da Facultade de Historia, a exposición adéntrase no traballo da pouco coñecida arqueoloxía contemporánea e nas súas cada vez máis fondas conexións cos mundos virtuais. 

En xullo e agosto o horario é de 09.00 a 14.00 horas – agás do 7 ao 22 de agosto, ambos incluídos, período no que o edificio estará pechado-, e, xa en setembro, o horario amplíase ata as 21.00 horas.