O campus de Ourense organiza o V Torneo Internacional de Xadrez Campus de Ourense, unha cita que se presenta renovada en formato co obxectivo de ser máis dinámica e participativa. Nesta edición, a competición, na que participará máis dun centenar de xogadores e xogadoras, contará con dúas modalidades de xadrez, as modalidades rápida e lóstrego. O torneo de partidas rápidas será o sábado 30 de xuño e o de partidas lóstrego o domingo 1 de xullo. En ambos casos a competición comezará ás 10.30 h e a entrega de premios será ás 19.30 h, aproximadamente.